Сешанба
26-Май 2026
Газ, электр, сув ҳисоблагичларни стандартдан ўтказишда кўпчилик таъминотчи корхоналарнинг (газ, сув, электр корхоналари) баъзи назоратчилари ишидан норози бўлади. «Ҳисоблагичингизни стандартдан ўтказиб бераман», дея истеъмолчилардан пул олиб, чўнтагини қаппайтирган учарлар ҳақида гапириб қолади.
— Чиндан ҳам, юқоридаги ҳолатларга кўз юмиб бўлмайди, — дейди Ўзбекистон миллий метрология институти директори Бахтиёр ҚОДИРОВ. — Лекин ушбу масалага яқин орада, албатта, ечим топилади. Маълумки, Ўзбекистон Республикаси Президентининг 2017 йил 28 апрелдаги «Ўзбекистон стандартлаштириш, метрология ва сертификатлаштириш агентлиги фаолиятини такомиллаштириш чора-тадбирлари тўғрисида»ги қарори билан ҳамда халқаро меъёр ва талаблар инобатга олиниб, «Ўзстандарт» агентлиги тизимида Ўзбекистон миллий метрология институти ташкил этилди.
— Давлат метрология текширувлари агентлик тизимида фаолият юритаётган қайси ташкилотлар томонидан амалга оширилади?
— Давлат метрологик текшируви «Ўзбекистон миллий метрология институти» давлат корхонаси (ЎзММИ), Қорақалпоғистон Республикаси ва вилоятлардаги синов ва сертификатлаштириш марказлари метрология бўлимлари, стандартлаштириш, метрология ва сертификатлаштириш илмий текшириш институти (СМСИТИ) томонидан амалга оширилади.
— Хонадонлардаги аксар газ ҳисоблагичлар 8 йил у ёқда турсин, 4 йилга бормай ишдан чиқиб, яроқсиз бўлиб қоляпти. Бунга сабаб нима?
— Чиндан ҳам, бугун стандартдан ўтказиш учун келтирилаётган газ ҳисоблагичларнинг 60 фоизи ишдан чиққан, яроқсиз. Сабаби, қувурлар ва ҳисоблагичларни коррозия емиради. Бунинг олдини олиш учун газ идораси фильтр қўйиши керак. Қолаверса, ҳозирги янги ўрнатилаётган моделларини хонадон соҳиби ҳафтада бир марта тозалаб туриши лозим бўлади.
— Фаолияти жуда кўп эътирозга сабаб бўлаётган таъминотчи корхоналар (газ, сув, электр корхоналари) ҳисоблагични ечиб олиш, стандартдан ўтказиш, қайта ўрнатиши билан боғлиқ муаммолар қачон барҳам топади?
— Бу масала узоғи билан келгуси йилга қадар узил-кесил ҳал этилади. Кўпчиликни газ, сув, электр ҳисоблагични неча сўмга стандартдан ўтказса бўлади, деган савол ҳам қизиқтиради. Бугунги кунда газ ҳисоблагични қиёслашдан ўтказишга бор-йўғи 5 минг сўм, сув ҳисоблагичга эса 6 минг сўм пул тўланса кифоя. Ҳисоблагич атиги уч кун муддат ичида стандартдан ўтказиб берилади. Аҳоли тўрт йилда, корхона ва ташкилотлар эса икки йилда бир марта ҳисоблагичларни қиёсловдан ўтказиши шарт. Қолаверса, газ, сув, электр корхонаси истеъмолчини стандарт муддати тугашидан бир ой олдин огоҳлантириши керак. Ушбу масала билан боғлиқ саволлар туғилса, «Ўзстандарт» агентлигининг 150-23-00, Ўзбекистон миллий метрология институтининг 150-26-23 рақамли ишонч телефонига бемалол қўнғироқ қилиш мумкин.
— Юртимизда ҳам ҳисоблагичлар ишлаб чиқарадиган корхоналар мавжудми?
— Ҳозирда Тошкент шаҳрида электрон ҳисоблагичлар тайёрлайдиган учта корхона фаолият кўрсатмоқда. Шунингдек, газ ҳисоблагичлар ишлаб чиқаришга ихтисослашган битта, сув ҳисоблагичлар тайёрланадиган корхоналар ҳам фаолият юритяпти. Келажакда уларнинг сони кўпайтирилади, албатта. Бозорларимизда сотувчилар фойдаланадиган кичик ва катта ҳажмдаги тарозилар ҳам ўзимизда тайёрланяпти. Барча турдаги маҳсулотлар жаҳон андозаларига мос.
Яқинда ижтимоий тармоқларда кенг тарқалган бир лавҳа кўпчиликни ларзага келтирди: ўз хонадони ҳовлисида беғубор ўйнаб юрган кичкина қизалоқ кутилмаганда юз берган кучли портлаш ва ундан чиққан ваҳимали овоз туфайли даҳшатга тушиб, қаёққа қочишини билмай қолади. Бу воқеа шунчаки тармоқдаги навбатдаги пиар видео эмас, балки инсон ҳаётига бўлган беписандликнинг оғриқли ифодасидир.
Батафсил
Баҳор аллергик касалликлар, айниқса, аллергик ринит билан оғриган болалар учун энг мураккаб мавсум. Сўнгги йилларда бу касалликнинг болалар орасида ортиб бораётгани кузатилмоқда ва бу ҳолат бевосита экологик ўзгаришлар билан боғлиқ.
Батафсил
Олий Мажлис Қонунчилик палатаси депутатлари, партия фракцияси аъзолари Борий Алихонов, Олга Литвинова, халқ депутатлари Тошкент шаҳар Кенгаши депутатлари Муродхон Жўраев, Сергей Миронов, Ўзбекистон Экологик партияси Тошкент шаҳар кенгаши раиси Севара Файзиева, Тошкент шаҳар Экология бошқармаси бошлиғи Акмал Расулов ва бошқа масъул ташкилот вакиллари билан биргаликда пойтахтимизнинг Бектемир туманида жойлашган оқава сувларни тозалаш иншоотида ўрганиш ишлари олиб бордилар.
Батафсил
Яқинда ижтимоий тармоқларда кенг тарқалган бир лавҳа кўпчиликни ларзага келтирди: ўз хонадони ҳовлисида беғубор ўйнаб юрган кичкина қизалоқ кутилмаганда юз берган кучли портлаш ва ундан чиққан ваҳимали овоз туфайли даҳшатга тушиб, қаёққа қочишини билмай қолади. Бу воқеа шунчаки тармоқдаги навбатдаги пиар видео эмас, балки инсон ҳаётига бўлган беписандликнинг оғриқли ифодасидир.
Баҳор аллергик касалликлар, айниқса, аллергик ринит билан оғриган болалар учун энг мураккаб мавсум. Сўнгги йилларда бу касалликнинг болалар орасида ортиб бораётгани кузатилмоқда ва бу ҳолат бевосита экологик ўзгаришлар билан боғлиқ.
Олий Мажлис Қонунчилик палатаси депутатлари, партия фракцияси аъзолари Борий Алихонов, Олга Литвинова, халқ депутатлари Тошкент шаҳар Кенгаши депутатлари Муродхон Жўраев, Сергей Миронов, Ўзбекистон Экологик партияси Тошкент шаҳар кенгаши раиси Севара Файзиева, Тошкент шаҳар Экология бошқармаси бошлиғи Акмал Расулов ва бошқа масъул ташкилот вакиллари билан биргаликда пойтахтимизнинг Бектемир туманида жойлашган оқава сувларни тозалаш иншоотида ўрганиш ишлари олиб бордилар.
Яқинда «Кўнгил экологияси» расмлар танловидаги бир ижодий иш мени чуқур мулоҳазага чорлади. Ўша расмга қараб туриб, хаёлимдан жуда кўп фикрлар ўтди, Оролнинг аянчли тақдири ортидан келаётган экологик фожиалар кўз олдимда гавдаланди.
Ўрмонларни тиклаш ва табиий ресурсларни оқилона бошқариш бугунги кунда нафақат экологик вазифа, балки минтақа давлатларининг барқарор ривожланиши ва фаровонлиги билан бевосита боғлиқ стратегик устувор йўналишдир.
