Танқидий-таҳлил, қатъий тартиб-интизом ва шахсий жавобгарлик ҳар бир раҳбар фаолиятининг кундалик қоидаси бўлиб қолиши керак. Ўзбекистон Экологик партияси Марказий Кенгашида Тошкент шаҳар партия ташкилотининг жорий йил дастлабки олти ойидаги фаолиятига бағишланган йиғилиши ана шу руҳда ўтказилди.

Унда Ўзбекистон Экологик партияси Марказий Кенгаши раиси Н.Обломуродов, Олий Мажлис Қонунчилик палатаси депутатлари, Экопартиядан Тошкент шаҳар Кенгашига сайланган депутатлар ҳамда ҳамкор ташкилотлар вакиллари иштирок этди.
Экопартия Тошкент шаҳар Кенгашининг ўтган даврдаги фаолияти атрофлича сарҳисоб қилинди. Бу борадаги хато ва камчилик­лар бирма-бир санаб ўтилди. Ҳамкор ташкилотлар ва оммавий ахборот воситалари билан ишлашни янада кучайтириш, пойтахт шаҳар партия ташкилотининг туман Кенгашлари фаолиятини яхшилаш масалалари муҳокама қилинди.
Йиғилишда кўтарилган масалалар юзасидан масъулларга тегишли топшириқлар берилди.
Куни кеча махсус ишчи гуруҳ пойтахтимиз маҳаллаларида бўлиб, экологик барқарорлик, аҳоли мурожаатлари юзасидан ўрганишлар олиб боришни бошлади. Ўрганишлар натижасида маҳалла аҳлидан тушаётган мурожаатларнинг аксарияти дарахтларни буташ ва кесиш билан боғлиқ амалдаги тартиблар юзасидан экани маълум бўлди.
Туман Экологик ва атроф муҳитни муҳофаза қилиш инс­пекцияси ходими шу ернинг ўзида аҳоли вакилларига белгиланган тартиб ва меъёрлар тўғрисида тушунтириш берди.
Ўрганиш ишлари давом этмоқда.

Ўзбекистон Экологик партияси
Марказий Кенгаши матбуот хизмати