Сешанба
26-Май 2026
Яқинда Жиззах вилояти Мирзачўл тумани Гагарин шаҳарчасидаги Халқлар дўстлиги кўчасининг икки томонига экилган 75 туп дарахт атрофи пиёдалар йўлаги қурилиши давомида бетонлаб ташлангани ҳақида маълумот ва фотосуратлар тарқалган эди. Ушбу ҳолат юзасидан Ўзбекистон Экологик партияси ўз муносабатини билдирди.
.jpg)
Гап шундаки, Жиззах вилояти экология бошқармаси томонидан мазкур ҳолат ўрганилганда, ҳақиқатдан ҳам 38 туп арча, 7 туп ясень, 1 туп тут, 1 туп акация, 1 туп гилос, 4 туп қайрағоч, 7 туп эльдор қарағайи, 12 туп айлант дарахти бетон орасида қолган. Жамоатчилик норозилигидан сўнг бетонлар бузиб олиниб, дарахтлар парвариш қилинган.
Куни кеча Ўзбекистон Экологик партияси Марказий Кенгаши Ижроия қўмитаси раиси Нарзулло Обломуродов Мирзачўл тумани Гагарин шаҳрига бориб, юзага келган нохуш ҳолат ва уни бартараф этилишини жойига чиқиб ўрганди, мутахассислар билан суҳбатлашди.
Халқлар дўстлиги кўчаси туман марказидаги асосий кўчалардан бири ҳисобланади. Кўчани асфальтлаш ва пиёдалар йўлагини қуриш ишлари анча вақт давом этган, лекин масъуллар томонидан етарлича эътибор берилмаган.
Йўлни таъмирлаш ва пиёдалар йўлаги қурилиши билан танишув жараёнида бир нарса яққол кўзга ташланмоқдаки, уни лойиҳалаштириш жараёнида дарахтлар жойлашуви умуман эътиборга олинмаган. Аслида қурилишдан аввал лойиҳалаштириш ишлари ҳар томонлама пухта амалга оширилиши, экспертлар жойига чиққан ҳолда вазиятни ўрганиши, бу жараёнда эса ҳар бир туп дарахт ҳисобга олиниши лозим эди.
Шубҳасиз, лойиҳа-қурилиш жараёнида буюртмачи (ягона инжиниринг компанияси) томонидан тегишли талаблар қўйилиши, назорат амалга оширилиши жуда муҳим ҳисобланади. Афсуски, ушбу ҳолатда экологик талаблар, дарахтлар масаласи эътибордан четда қолгани аён бўлмоқда.
Бу каби лойиҳаларни амалга оширишда бир томонлама ёндашувдан воз кечиш, лойиҳалаштириш ва қурилиш ишларида экологик талабларга сўзсиз риоя этиш, уларнинг ижроси билан боғлиқ ҳолат албатта, жамоатчилик назорати остида амалга оширилиши мақсадга мувофиқ.
Айни вақтда пиёдалар йўлаги четидаги барча дарахтлар баравж ўсиши учун зарур шароит яратиш, уларни асраш ҳамда парваришлаш учун зарур чоралар кўрилмоқда.
Ўзбекистон Экологик партияси дарахтларга нисбатан бундай шафқатсиз муносабатни кескин қоралайди. Президентимиз ташаббуси билан айни вақтда мамлакатимиз бўйлаб дарахт экиш бўйича ўтказилаётган «долзарб қирқ кунлик» ҳам ҳар бир туп дарахт кўчатига алоҳида эътибор ва парвариш шарт эканини кўрсатиб турибди.
Дарахтларга бундай муносабат учун тегишли ташкилот раҳбарлари, ҳар бир мутасаддининг ҳам масъулияти кўриб чиқилиши зарур. Токи ҳар бир туп дарахт атроф табиий муҳитнинг бир бўлаги сифатида доим ҳимоя ва парваришда бўлиши кафолатлансин.
Ўзбекистон Экологик партияси
Марказий кенгаши матбуот хизмати
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Батафсил
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
