Тошкент

Яккасарой туман ҳокимлигида «Ўзбекистон Республикасининг Конституциясига ўзгартириш ва қўшимчалар киритиш тўғрисида»ги Конституциявий қонун лойиҳасининг мазмун-моҳияти ҳамда аҳамиятини аҳолига тушунтириш масаласига бағишланган учрашув ташкил этилди.

Унда Олий Мажлис Сенати аъзолари Дилором Тошмуҳамедова, Шамансур Сагдуллаев, туман ҳокими Aнвар Сайфутдинов, Ўзбекистон Экологик партияси Халқ депутатлари Тошкент шаҳар кенгаши депутатлари Васила Aлимова ва Лобар Кабулжановалар ҳамда халқ депутатлари Яккасарой туман Кенгаши депутатлари ва ёшлар етакчилари иштирок этдилар.

Тадбирда сўзга чиққан сенаторлар Д.Тошмуҳамедова ва Ш.Сагдуллаев Конституциявий тузатиш­лар жамиятнинг турли ижтимоий қатламларига мансуб бўлган фуқароларнинг шахсий, ижтимоий, иқтисодий, сиёсий, маданий ва экологик ҳуқуқлари ҳамда манфаатларини таъминлашга, ҳимоя қилишга қаратилган тўғридан-тўғри ишлайдиган нормалар бўйича маълумот тақдим этди.

Тадбирда Ўзбекистон Экологик партиясидан халқ депутатлари Тошкент шаҳар Кенгаши депутати В.Алимова таклифларни «Менинг конституциям» платформаси орқали қабул қилаётганлиги, шунинг­дек, телеграм махсус боти, 1341 алоқа ўрнатиш рақамлари орқали ҳам барча ўз фикр-мулоҳазаларини юбориши мумкинлиги тўғрисида маълумот бериб ўтди.

Қашқадарё

Шаҳрисабз туманидаги Маданият ва санъат мактабида Ўзбекис­тон Экологик партияси Марказий кенгаши раиси ўринбосари Абдушукур Ҳамзаев иштирокида «Янгиланаётган Конс­титуцияда экологик кафолатлар ифодаси» деб номланган очиқ мулоқот ўтказилди.

Мулоқотда сўзга чиққанлар конституция­вий ислоҳотларнинг халқимиз ҳаётидаги аҳамияти, ундаги боб ва моддаларга киритилаётган ўзгаришлар фуқароларимизнинг ҳуқуқ ва эркинликларини янада мукаммал таъминланишида муҳим аҳамият касб этишини алоҳида қайд этиб ўтди.

Таъкид­ланишича, Конституция – жамиятнинг ривожлани­шида устун бўлиб хизмат қиладиган ҳужжат.

Бугун юртимизда амалга оширилаётган туб ислоҳотлар, ривожланиш, юксалишлар давом этаётган бир вақтда Бош қомусимизда ҳам ислоҳотлар олиб боришни тақозо қилади.

Тошкент вилояти

Зангиота тумани «Назарбек» маҳалласида жойлашган Санитария ва эпидемиология осойишталик марказида Ўзбекистон Экологик партияси Тошкент вилояти партия ташкилоти томонидан «Конституциявий ислоҳотлар – ҳуқуқларимиз кафолати» мавзусида тадбир ташкил этилди.

Унда Ўзбекистон Экологик партияси Тошкент вилояти Кенгаши раиси, халқ депутатлари вилоят Кенгаши депутати Ф.Ахмеджанов сўзга чиқиб, конституциявий ислоҳотларнинг халқимиз ҳаётидаги аҳамияти, ундаги боб ва моддаларга киритилаётган ўзгаришлар фуқароларимизнинг ҳуқуқ ва эркинликларини янада мукаммал таъминланишида муҳим аҳамият касб этишини алоҳида қайд этиб ўтди.

Навоий

Вилоят хотин қизлар тадбиркорлигини ривожлантириш маркази ҳамда Ўзбекистон Экологик партия­си Навоий шаҳар партия ташкилоти ҳамкорлигида «Coworking» марказида конс­титуциявий ислоҳотларга бағишланган давра суҳбати ташкил этилди.

Тадбирда Янги Ўзбекистоннинг тараққиёт стратегиясида белгиланган кенг кўламли вазифалар, халқпарвар давлатни барпо этиш, инсон ҳуқуқ ва манфаатлари, қадр-қимматини янада самарали таъминлаш каби мақсадлар мамлакатимиздаги туб ислоҳотларга мос янги Конституцияни яратиш заруратини юзага келтираётгани таъкидланди.

Андижон

шаҳрининг «Сой» маҳалла фуқаролар йиғинида Ўзбекистон Экологик партияси Андижон вилоят партия ташкилоти томонидан «Ўзбекистон Республикаси Конституциясига ўзгартириш ва қўшимчалар киритиш тўғрисида»ги Конституциявий қонун лойиҳаси муҳокамасига бағишланган учрашув ўтказилди.

Унда маҳалла фаолларига ушбу қонуннинг мазмун-моҳияти, кўзда тутилаётган ўзгаришлар, фуқаролар томонидан билдирилаётган таклиф ва фикрлар ҳақида батафсил маълумотлар берилди. Мазкур лойиҳада инсон қадрини улуғлаш, аҳоли фаровонлигини таъминлаш, иқтисодиётни барқарор ривожлантириш каби кўплаб нормалар белгиланаётгани, энг муҳими, ушбу ўзгартиришларнинг барчаси «Инсон қaдри учун» тамойили асосида амалга оширилаётгани таъкидланди.