Чоршанба
15-Апрел 2026
Сўнгги вақтларда ҳар бир туп дарахтни асраб-авайлашга, дарахтларга етказилаётган зарарли таъсирларни имкон қадар тезроқ бартараф этишга астойдил ҳаракат қилинмоқда.
Дарахтлар ноқонуний кесилишининг олдини олишда фуқаролар, кўнгиллилар ва мутасаддилар ўзаро ҳамкорлик, ҳамжиҳатликда ҳаракат қилаётир. Натижада кўплаб дарахтлар асраб қолинмоқда.
Афсуски дарахтлар жонига қасд қиладиганларни ҳеч нарса тўхатиб қола олмаяпти. Улар кўп йиллик дарахтларни қуритишнинг янгидан-янги усулларини ўйлаб топишмоқда. Хуфёна тарзда, тунда ўсимлик тагига кислота қуйиб кетиш ана шундай ҳолатлардан биридир.
Ўзбекистон Экологик партияси Тошкент шаҳар партия ташкилотига пойтахтимизнинг Учтепа тумани «Нуробод» маҳалласи 25-мавзе 6-уйда истиқомат қилувчи фуқаролар томонидан ҳудудда ўсувчи кўп йиллик дарахтларнинг илдиз қисмига ҳар куни ярим тунда кислота қоришмаси тўкиб кетилаётгани ва бунинг натижасида табиатга зарар етказилаётгани ҳақида мурожаат келиб тушди.
Ушбу мурожаатга асосланиб, Ўзбекистон Экологик партияси Тошкент шаҳар кенгаши бош мутахассиси Малика Ҳайдарова, Учтепа туман партия ташкилоти раиси Муҳаммадсолиҳ Муратханов, Экология ва атроф муҳитни муҳофаза қилиш Учтепа тумани инспекцияси бошлиғи Азим Исроиловлар биргаликда ишчи гуруҳ ташкил қилишди. Ҳолат зудлик билан жойига чиқиб ўрганилди.
Ўрганиш жараёнида ишчи гуруҳ аъзолари чиндан ҳам дарахтлар тагига кислота қоришмаси қуйилганини аниқлашди.
Атрофга соя-салқин бериб, сўлим қилаётган бу дарахтларни асраб қолиш учун тезкорлик билан улар остига кислотали қоришма сепилган тупроқ қатламини тозалашди. Шундан сўнг дарахтлар оқлаб чиқилиб, хавф бартараф этилди.
Бундан ташқари кўча юзида видеоназорат камералари кўздан кечирилди ва дарахтлар жонига қасд қилишга уринишлар акс этган кадрлар топилди. Мазкур шахснинг кимлигини аниқлаш мақсадида жиноят-қидирув бўлимига мурожаат қилиниб, ишчи гуруҳ аъзолари томонидан баённома тузилди. Видеотасвирлар тез орада дарахтларни кислота билан ўлдиришга уринадиган «қотил» кимлигини фош этиш ва унга нисбатан тегишли чораларни кўришга ёрдам беради. Энг муҳими эндиликда бу кимсалар дарахтларга зиён етказа олмаслигининг чораси кўрилади.
ЎЭП Тошкент шаҳар партия ташкилоти
Шаҳарларимиз жадал ривожланиб, янги бино ва иншоотлар кўпаяётган бир пайтда, табиат билан уйғунликни ва ҳаво мусаффолигини сақлаш эҳтиёжи ҳар қачонгидан ҳам ортиб бормоқда. Бундай шароитда бизга шунчаки манзарали кўчатлар эмас, балки шаҳарнинг нафас олишини таъминлайдиган чинакам «ўпка»лар керак.
Батафсил
Маълумки, дунё миқёсида энг долзарб экологик масалалардан бирига айланиб бораётган муаммо бу – чиқиндилар. Таҳлилларга кўра, сўнгги йилларда маиший ва саноат чиқиндиларининг йилдан-йилга ортаётгани ер юзидаги экологик барқарорликка салбий таъсир кўрсатмоқда.
Батафсил
Сурхондарё вилоятининг Сариосиё туманида жойлашган Сангардак шаршараси табиатнинг бетакрор мўъжизаларидан биридир. Тоғлар бағридан отилиб чиқаётган оппоқ сув оқими узоқдан ҳам шовуллаб эшитилади. Марвариддек гўё…
Батафсил
Шаҳарларимиз жадал ривожланиб, янги бино ва иншоотлар кўпаяётган бир пайтда, табиат билан уйғунликни ва ҳаво мусаффолигини сақлаш эҳтиёжи ҳар қачонгидан ҳам ортиб бормоқда. Бундай шароитда бизга шунчаки манзарали кўчатлар эмас, балки шаҳарнинг нафас олишини таъминлайдиган чинакам «ўпка»лар керак.
Маълумки, дунё миқёсида энг долзарб экологик масалалардан бирига айланиб бораётган муаммо бу – чиқиндилар. Таҳлилларга кўра, сўнгги йилларда маиший ва саноат чиқиндиларининг йилдан-йилга ортаётгани ер юзидаги экологик барқарорликка салбий таъсир кўрсатмоқда.
Сурхондарё вилоятининг Сариосиё туманида жойлашган Сангардак шаршараси табиатнинг бетакрор мўъжизаларидан биридир. Тоғлар бағридан отилиб чиқаётган оппоқ сув оқими узоқдан ҳам шовуллаб эшитилади. Марвариддек гўё…
Шаҳарсозлик ва экологик мувозанат уйғунлиги — соғлом турмуш тарзининг гарови. Қўқон шаҳрининг «Райҳон» маҳалласида узоқ йиллар давомида эътибордан четда қолиб, ташландиқ ҳолга келган ҳудуднинг янги қиёфа касб этиши бу борадаги хайрли ишларнинг узвий давоми бўлди.
Бразилиянинг Кампу-Гранди шаҳрида бўлиб ўтаётган Ёввойи ҳайвонларнинг кўчиб юрувчи турларини сақлаш тўғрисидаги конвенциянинг 15-Конференцияси (CMS COP15) доирасида кўчиб юрувчи турлардан ноқонуний фойдаланишни камайтиришга қаратилган Глобал ташаббус (GTI) ишга туширилди.
