Сешанба
26-Май 2026
Мамлакатимизда коррупцияга қарши кураш борасида амалга оширилаётган чора-тадбирларга қарамасдан жамият ҳаётида рўй бераётган коррупцион ҳолатлар бу иллатга қарши курашда бир зум ҳам тўхтамасликни талаб этади.
Аввало, бу жиноятга имкон берувчи сабаблар ва шарт-шароитларни бартараф этишимиз зарур.
Экология соҳасида ҳам коррупциявий хавфларни аниқлаш ва тизимли таҳлил қилиш, уларни келтириб чиқарувчи омилларни бартараф этиш борасида тизимли ишлар амалга оширилмоқда. Жумладан, Экология ва иқлим ўзгариши миллий қўмитаси ҳузуридаги «Давлат экологик экспертиза маркази» давлат муассасаси томонидан кўрсатилаётган давлат хизматлари сифатини яхшилаш ҳамда коррупциявий хавфларни барвақт аниқлаш ва олдини олиш борасида тизимли чоралар кўрилмоқда. Авваламбор тизимда коррупцияга қарши курашишнинг мукаммал ташкилий-хуқуқий асосларини яратиш борасида кенг кўламли ишлар амалга оширилди. «Экологик экспертиза тўғрисида»ги қонун халқаро талабларга асосан янги таҳрирда қабул қилинди.
Янгиланган қонун нормаларида соҳанинг коррупцияга оид ҳуқуқбузарликларни содир этиш эҳтимоли бўлган фаолият йўналишларини тўлиқ рақамлаштириш орқали хизмат кўрсатишнинг шаффофлиги ва очиқлиги тўлиқ таъминланди. Жумладан, бугунги кунда давлат экологик экспертизасига буюртмачилар томонидан тақдим этиладиган лойиҳа ҳужжатларини қабул қилиш ва давлат экологик экспертизаси хулосаларини бериш жараёнлари электрон ахборот тизими платформаси орқали рақамлаштирилган ҳолда амалга оширилмоқда.
Марказ томонидан биргина 2024 йилда 31 908 та экологик экспертиза хулосалари берилган бўлиб, шундан 673 та лойиҳа экологик талабларга жавоб бермагани сабабли рад этилган. Жамоатчиликнинг хабардорлигини таъминлаш мақсадида барча экспертиза хулосалари очиқ ҳолда марказнинг электрон сайтида жойлаштириб борилмоқда. Яъни, Марказ фаолиятидаги мазкур жараёнлар инсон омилисиз, ҳеч кимнинг аралашувисиз кечмоқда.
Марказда Ички назорат хизмати томонидан коррупцияга қарши курашиш ва комплекс назорат бўйича амалга оширилаётган тизимли профилактик тарғибот-ташвиқот ишлари натижасида сўнгги йилларда Марказ ходимлари ва эколог-экспертлари орасида коррупцион ҳолатлар бўйича хуқуқбузарлик ҳолатлари аниқланмади.
Кадрлар сиёсатида бюрократик тўсиқларни, коррупциявий хавф-хатарларнинг олдини олиш мақсадида ходимларни ишга олишда Марказ ходимлари ва давлат экологик экспертизаси бўйича экспертлар кенгаши аъзоларидан иборат танлов комиссия фаолияти йўлга қўйилган.
Ходимларнинг иш фаолияти самарадорлигини аниқ мезонлар орқали баҳолаш ва уларни даврий равишда малакасини ошириш йўлга қўйилган. Марказ сайтида коррупцияга қарши кураш сарлавҳаси, фуқаролар томонидан тақдим этиладиган мурожаатлар ҳамда коррупция ҳақида тезкор хабар бериш имконини берувчи «Call-марказ» ҳамда қисқа рақамли «Ишонч телефони» доимий фаолият олиб бормоқда.
Атроф-муҳитни муҳофаза қилиш соҳасида коррупцияга қарши курашиш чораларини кучайтириш ва унга чек қўйиш Конституциямизда белгиланган фуқароларнинг қулай атроф-муҳитга эга бўлиш ҳуқуқларини таъминлаш ҳамда барқарор ривожланиш мақсадларига эришишга хизмат қилади.
Раҳим ТОШПЎЛАТОВ,
«Давлат экологик экспертизаси маркази» ДМ
Коррупцияга қарши курашиш ва комплаенс назорати
бўйича бош мутахассиси
Яқинда ижтимоий тармоқларда кенг тарқалган бир лавҳа кўпчиликни ларзага келтирди: ўз хонадони ҳовлисида беғубор ўйнаб юрган кичкина қизалоқ кутилмаганда юз берган кучли портлаш ва ундан чиққан ваҳимали овоз туфайли даҳшатга тушиб, қаёққа қочишини билмай қолади. Бу воқеа шунчаки тармоқдаги навбатдаги пиар видео эмас, балки инсон ҳаётига бўлган беписандликнинг оғриқли ифодасидир.
Батафсил
Баҳор аллергик касалликлар, айниқса, аллергик ринит билан оғриган болалар учун энг мураккаб мавсум. Сўнгги йилларда бу касалликнинг болалар орасида ортиб бораётгани кузатилмоқда ва бу ҳолат бевосита экологик ўзгаришлар билан боғлиқ.
Батафсил
Олий Мажлис Қонунчилик палатаси депутатлари, партия фракцияси аъзолари Борий Алихонов, Олга Литвинова, халқ депутатлари Тошкент шаҳар Кенгаши депутатлари Муродхон Жўраев, Сергей Миронов, Ўзбекистон Экологик партияси Тошкент шаҳар кенгаши раиси Севара Файзиева, Тошкент шаҳар Экология бошқармаси бошлиғи Акмал Расулов ва бошқа масъул ташкилот вакиллари билан биргаликда пойтахтимизнинг Бектемир туманида жойлашган оқава сувларни тозалаш иншоотида ўрганиш ишлари олиб бордилар.
Батафсил
Яқинда ижтимоий тармоқларда кенг тарқалган бир лавҳа кўпчиликни ларзага келтирди: ўз хонадони ҳовлисида беғубор ўйнаб юрган кичкина қизалоқ кутилмаганда юз берган кучли портлаш ва ундан чиққан ваҳимали овоз туфайли даҳшатга тушиб, қаёққа қочишини билмай қолади. Бу воқеа шунчаки тармоқдаги навбатдаги пиар видео эмас, балки инсон ҳаётига бўлган беписандликнинг оғриқли ифодасидир.
Баҳор аллергик касалликлар, айниқса, аллергик ринит билан оғриган болалар учун энг мураккаб мавсум. Сўнгги йилларда бу касалликнинг болалар орасида ортиб бораётгани кузатилмоқда ва бу ҳолат бевосита экологик ўзгаришлар билан боғлиқ.
Олий Мажлис Қонунчилик палатаси депутатлари, партия фракцияси аъзолари Борий Алихонов, Олга Литвинова, халқ депутатлари Тошкент шаҳар Кенгаши депутатлари Муродхон Жўраев, Сергей Миронов, Ўзбекистон Экологик партияси Тошкент шаҳар кенгаши раиси Севара Файзиева, Тошкент шаҳар Экология бошқармаси бошлиғи Акмал Расулов ва бошқа масъул ташкилот вакиллари билан биргаликда пойтахтимизнинг Бектемир туманида жойлашган оқава сувларни тозалаш иншоотида ўрганиш ишлари олиб бордилар.
Яқинда «Кўнгил экологияси» расмлар танловидаги бир ижодий иш мени чуқур мулоҳазага чорлади. Ўша расмга қараб туриб, хаёлимдан жуда кўп фикрлар ўтди, Оролнинг аянчли тақдири ортидан келаётган экологик фожиалар кўз олдимда гавдаланди.
Ўрмонларни тиклаш ва табиий ресурсларни оқилона бошқариш бугунги кунда нафақат экологик вазифа, балки минтақа давлатларининг барқарор ривожланиши ва фаровонлиги билан бевосита боғлиқ стратегик устувор йўналишдир.
