Сешанба
26-Май 2026
Бош вазир ўринбосари – иқтисодиёт ва молия вазири парламент сўровига жавоб берди
Кеча Олий Мажлис Қонунчилик палатасининг навбатдаги мажлисида депутатлар Бош вазир ўринбосари – иқтисодиёт ва молия вазири Ж.Қўчқоровнинг «2019-2030 йиллар даврида Ўзбекистон Республикасининг «яшил» иқтисодиётга ўтиш стратегияси» ижросини таъминлаш борасида амалга оширилаётган чора-тадбирлар тўғрисида»ги парламент сўровига жавобини кўриб чиқдилар.
Унда келтирилишича, мамлакатимизда «яшил» иқтисодиётга ўтиш бўйича кенг кўламли ислоҳотлар амалга оширилиб, ялпи ички маҳсулотнинг углерод сарфи ҳажмини камайтириш, экологик хавфсиз технологияларни қўллаш, энергия самарадорликни ошириш, қайта тикланувчи энергия манбаларини ривожлантириш, сув тежовчи технологияларни жорий этиш ва сувдан оқилона фойдаланишга қаратилган изчил чора-тадбирлар кўрилмоқда.
Хусусан, 2030 йилга қадар белгиланган ялпи ички маҳсулот бирлигига нисбатан иссиқхона газлари чиқиндиларини 2010 йилга нисбатан 35 фоизга камайтириш бўйича мақсадли кўрсаткич ортиғи билан бажарилган. Қайта тикланувчи энергия манбаларининг электр энергиясини ишлаб чиқариш умумий ҳажмидаги улушини кенгайтириш мақсадида 2024 йил учун мақсадли кўрсаткич 9,0 фоиз ёки 8,6 кВт/с белгиланган бўлиб, ўтган йил якуни билан бу 16 фоиз ёки 13 кВт/с ни ташкил этди. Кичик қувватли қуёш фотоэлектр станцияларини қуриш бўйича мақсадли кўрсаткич 150 МВт этиб белгиланган бўлиб, амалда бу 972,0 МВтни ташкил қилиб, ортиғи билан бажарилган.
«Яшил энергия сертификатлари»нинг тизими жорий этилиши натижасида қайта тикланувчи энергия манбалари ҳисобидан ва экологик жиҳатдан тоза технологиялардан фойдаланган ҳолда маҳсулот ишлаб чиқариш кўлами кенгайган.
Хусусан, жорий йилнинг ўзида 350 мингдан ортиқ «яшил энергия» сертификатлари савдоси амалга оширилган. Бу эса якуний фойдаланувчиларга ўз маҳсулотларини сотиш ва экспорт қилиш ҳажмини ошириш, халқаро ва хорижий молия ташкилотларидан «яшил» инвестициялар ва «яшил» кредитларни жалб қилиш имконини берди.
Парламент сўровига келган жавобда келтирилганидек, қайта тикланувчи энергия манбалари кўламини кенгайтириш, соҳага давлат субсидиялари ва рағбатлантириш механизмларини татбиқ этилиши натижасида ҳозирги кунга қадар 6 539 МВт қайта тикланувчи энергия манбалари ишга туширилган.
Шунингдек, «яшил» давлат харидларини қўллаб-қувватлаш тизими яратилиб, экологик мезонлар энг яхши таклифларни танлаш ва тендерлардаги харид қилиш ҳужжатларига мажбурий тартиб сифатида белгиланди.
Маиший анжомлар, ускуналар ва электр ёриткичлар учун энергия самарадорлиги «А» синфдан паст бўлмаслиги каби давлат харидларида қўлланиладиган намунавий экологик мезонлар белгилангани эса экологик тоза, ресурс тежамкор товар ва маҳсулотлар ишлаб чиқаришни рағбатлантирмоқда.
Мажлисда ушбу йўналишда вазирлик томонидан муайян ишлар амалга оширилаётгани, шу билан бирга соҳада ечимини кутаётган айрим масалалар ҳам борлиги қайд этилди.
Депутатлар томонидан бу борадаги ишларни изчил давом эттириш, кичик бизнес ва хусусий секторни «яшил» иқтисодиётга ўтиш механизмларини янада кенгайтириш, молиявий ресурслардан фойдаланиш имкониятларини ошириш ва натижадорликни кучайтириш ҳамда иқтисодиётнинг базавий тармоқлари энергия самарадорлигини ошириш зарурлиги таъкидланди.
Мажлисда мазкур масала юзасидан доимий парламент назоратини олиб бориш лозимлиги қайд этилиб, Бош вазир ўринбосари – иқтисодиёт ва молия вазирининг жавоби маълумот учун қабул қилинди.
Яқинда ижтимоий тармоқларда кенг тарқалган бир лавҳа кўпчиликни ларзага келтирди: ўз хонадони ҳовлисида беғубор ўйнаб юрган кичкина қизалоқ кутилмаганда юз берган кучли портлаш ва ундан чиққан ваҳимали овоз туфайли даҳшатга тушиб, қаёққа қочишини билмай қолади. Бу воқеа шунчаки тармоқдаги навбатдаги пиар видео эмас, балки инсон ҳаётига бўлган беписандликнинг оғриқли ифодасидир.
Батафсил
Баҳор аллергик касалликлар, айниқса, аллергик ринит билан оғриган болалар учун энг мураккаб мавсум. Сўнгги йилларда бу касалликнинг болалар орасида ортиб бораётгани кузатилмоқда ва бу ҳолат бевосита экологик ўзгаришлар билан боғлиқ.
Батафсил
Олий Мажлис Қонунчилик палатаси депутатлари, партия фракцияси аъзолари Борий Алихонов, Олга Литвинова, халқ депутатлари Тошкент шаҳар Кенгаши депутатлари Муродхон Жўраев, Сергей Миронов, Ўзбекистон Экологик партияси Тошкент шаҳар кенгаши раиси Севара Файзиева, Тошкент шаҳар Экология бошқармаси бошлиғи Акмал Расулов ва бошқа масъул ташкилот вакиллари билан биргаликда пойтахтимизнинг Бектемир туманида жойлашган оқава сувларни тозалаш иншоотида ўрганиш ишлари олиб бордилар.
Батафсил
Яқинда ижтимоий тармоқларда кенг тарқалган бир лавҳа кўпчиликни ларзага келтирди: ўз хонадони ҳовлисида беғубор ўйнаб юрган кичкина қизалоқ кутилмаганда юз берган кучли портлаш ва ундан чиққан ваҳимали овоз туфайли даҳшатга тушиб, қаёққа қочишини билмай қолади. Бу воқеа шунчаки тармоқдаги навбатдаги пиар видео эмас, балки инсон ҳаётига бўлган беписандликнинг оғриқли ифодасидир.
Баҳор аллергик касалликлар, айниқса, аллергик ринит билан оғриган болалар учун энг мураккаб мавсум. Сўнгги йилларда бу касалликнинг болалар орасида ортиб бораётгани кузатилмоқда ва бу ҳолат бевосита экологик ўзгаришлар билан боғлиқ.
Олий Мажлис Қонунчилик палатаси депутатлари, партия фракцияси аъзолари Борий Алихонов, Олга Литвинова, халқ депутатлари Тошкент шаҳар Кенгаши депутатлари Муродхон Жўраев, Сергей Миронов, Ўзбекистон Экологик партияси Тошкент шаҳар кенгаши раиси Севара Файзиева, Тошкент шаҳар Экология бошқармаси бошлиғи Акмал Расулов ва бошқа масъул ташкилот вакиллари билан биргаликда пойтахтимизнинг Бектемир туманида жойлашган оқава сувларни тозалаш иншоотида ўрганиш ишлари олиб бордилар.
Яқинда «Кўнгил экологияси» расмлар танловидаги бир ижодий иш мени чуқур мулоҳазага чорлади. Ўша расмга қараб туриб, хаёлимдан жуда кўп фикрлар ўтди, Оролнинг аянчли тақдири ортидан келаётган экологик фожиалар кўз олдимда гавдаланди.
Ўрмонларни тиклаш ва табиий ресурсларни оқилона бошқариш бугунги кунда нафақат экологик вазифа, балки минтақа давлатларининг барқарор ривожланиши ва фаровонлиги билан бевосита боғлиқ стратегик устувор йўналишдир.
