Якшанба
20-Сентябр 2026
Мамлакатимизда Президентимиз ташаббуси билан «Яшил макон» умуммиллий лойиҳасини бошлаш ҳамда йилига 200 миллион туп дарахт ва бута кўчатларини экиш, шу орқали шаҳарлардаги яшил майдонларни кенгайтиришга киришилди.
Айтиш жоизки, бу экология ва атроф-муҳитни муҳофаза қилиш соҳаси вакилларининг айни дилидаги ташаббус, жамиятнинг оғриқли нуқтасига айланиб бораётган яшилликни сақлаб қолишда муҳим қадам бўлди.
«Яшил макон» умуммиллий лойиҳаси доирасида йилига 200 млн. туп дарахт ва бута кўчатларини экиш, шу орқали шаҳарлардаги яшил майдонларни амалдаги 8 фоиздан 30 фоизга ошириш режа қилинган. 2 ноябрдан 10 декабргача бўлган муддат дарахт экиш бўйича «долзарб 40 кунлик» деб эълон қилинди.
Мазкур хайрли ташаббус доирасида Қашқадарё вилоятида 16 миллион тупдан зиёд турли дарахт кўчатлари экиш кўзда тутилган. Мутахассисларнинг таъкидлашича, дарахт экиладиган майдонларга, аввало сув етиб бориши керак. Айни дамда ҳар бир туман, шаҳар ўз иқлими ва ер унумдорлигидан келиб чиқиб дарахт кўчатларини экиш бўйича амалий ишларни бошлаб юборишди.
Масалан, Қарши шаҳрининг иқлими ва тупроқ ҳолатидан келиб чиқиб, япон сафораси, чинор, ясин, туя, жийда, наъматак каби дарахт кўчатлари экиш кўзда тутилмоқда. Маҳаллалардаги кўп қаватли уйлар орасига павлония дарахти, Жайҳун кўчаси бўйлаб япон сафораси, яна бир кўчага эса чинор дарахти кўчатлари экиш режалаштирилган. Ҳудудларда барпо этилган «Саломатлик йўлакчалари»нинг икки четига ҳам манзаралари ва мевали дарахт кўчатлари ўтқазилади.
Ушбу ташаббусга биринчилардан бўлиб Косон туманида старт берилди. 10 декабрга қадар Косон туман ҳудудида 1 млн. 351 минг дона дарахт экиш режалаштирилган.
– Эндиликда бу ишларда ҳар бир раҳбардан тортиб, оддий ходимгача фаоллик кўрсатиб, бошқаларга ўрнак бўлади. Косон тумани «Яшил макон»га айланиши учун ҳаммамиз тенг масъулмиз, – дейди Косон тумани ҳокими Асрол Бойқараев.
Эндиликда вилоят ҳуснига доғ бўлиб турган, Қарши шаҳри ва Чироқчи тумани оралиғидаги 17 гектардан ортиқ майдондаги чиқинди полигони ўрни яшил дарахтзорга айлантирилади. Чиқиндихона ўрнида сувсизликка чидамли жийда ва наъматак каби фойдали дарахт кўчатлари экилади. Шунингдек, шаҳар иқлим шароитига мос 3-5 йиллик чинор, қайрағоч, ясин, каштан, япон сафораси дарахт кўчатлари экилади. Бунинг учун кўчат етказиб берувчи тадбиркорлар нархлар бўйича тижорат таклифларини беришни бошлади.
Сожида АЛЛАЁРОВА,
Экологик партия Қашқадарё вилоят кенгаши
матбуот хизмати мутахассиси
Аҳоли саломатлигини асраш ва шаҳар ҳудудларида қулай экологик муҳитни қарор топтиришда маҳаллалардаги санитария-тозалик ҳолати, чиқиндиларни ўз вақтида зарарсизлантириш ва тизимли бошқариш ҳал қилувчи аҳамиятга эга.
Батафсил
«Ташаббусли бюджет» ҳудудларни ободонлаштириш ва инфратузилмани яхшилашда фуқаролар ташаббускорлигини ошириш билан бирга, жойлардаги энг оғриқли муаммоларни юзага чиқаришда ҳам муҳим омил бўлмоқда.
Батафсил
Инсон қадри ҳар қандай вазиятда ҳам устувор бўлиши, турли сабаблар билан хатога йўл қўйган фуқароларни соғлом муҳитга қайтариш, уларнинг касб-ҳунар эгаллаши ҳамда жамиятга ижтимоий мослашувига кўмаклашиш бугунги ислоҳотларнинг энг муҳим инсонпарвар тамойилларидан биридир.
Батафсил
Аҳоли саломатлигини асраш ва шаҳар ҳудудларида қулай экологик муҳитни қарор топтиришда маҳаллалардаги санитария-тозалик ҳолати, чиқиндиларни ўз вақтида зарарсизлантириш ва тизимли бошқариш ҳал қилувчи аҳамиятга эга.
«Ташаббусли бюджет» ҳудудларни ободонлаштириш ва инфратузилмани яхшилашда фуқаролар ташаббускорлигини ошириш билан бирга, жойлардаги энг оғриқли муаммоларни юзага чиқаришда ҳам муҳим омил бўлмоқда.
Инсон қадри ҳар қандай вазиятда ҳам устувор бўлиши, турли сабаблар билан хатога йўл қўйган фуқароларни соғлом муҳитга қайтариш, уларнинг касб-ҳунар эгаллаши ҳамда жамиятга ижтимоий мослашувига кўмаклашиш бугунги ислоҳотларнинг энг муҳим инсонпарвар тамойилларидан биридир.
Мамлакатимизда урбанизация ва шаҳар ҳаёти жадаллашган сари аҳолининг табиат қўйнида дам олиш, сокинликдан баҳраманд бўлиш ҳамда ўсимликлар олами билан яқиндан танишишга бўлган эҳтиёжи муттасил ортиб бормоқда. Статистика агентлиги маълумотлари ҳам ушбу ижобий экологик тенденцияни яққол тасдиқлайди.
Ватанимиз Мустақиллигининг 35 йиллиги байрами арафасида Тойлоқ туман соғлиқни сақлаш бўлимига қарашли 2-тип, 3-сон Оилавий поликлиника ўз фаолиятини бошлади.
