Якшанба
20-Сентябр 2026
Мамлакатимиздаги мавжуд сув йўллари ҳамда сув сақланадиган объектларнинг муҳофаза ҳудудлари етарлича белгиланмаган. Бу эса уларни муҳофаза қилишда бир қатор муаммоларни келтириб чиқаради.
Шу боис жорий йилда сув объектларининг сувни муҳофаза қилиш зоналари ва соҳил бўйи ҳудудларини белгилаш тадбирлари ўтказилиши кўзда тутилган.
Кеча Ўзбекистон Республикаси Экология ва атроф-муҳитни муҳофаза қилиш давлат қўмитасида бўлиб ўтган тадбирда мазкур йўналишдаги лойиҳалар ишлаб чиқиш, сув ҳавзаларининг кадастрини юритиш масалалари муҳокама қилинди. Унда Давлат экология қўмитасининг Сув, ер ресурслари ва ер ости бойликларини муҳофаза қилиш бошқармаси ходимлари ва Тошкент ирригация ва қишлоқ хўжалигини механизациялаш муҳандислари институтининг бир гуруҳ олимлари иштирок этди.
Жорий йилнинг иш режасига мувофиқ, Тошкент вилоятидаги Угом, Пском, Оқсоқота, Дўкентсой, Қизилсой Паркентсой, Андижон вилоятидаги Андижонсой, Шахрихонсой ва Тентаксой, Фарғона вилоятидаги Исфайрамсой ва Бешолишсой дарёлари, Жиззах вилоятидаги Зоминсув, Нураксой ва Хўжамушкентсой сойлари, Сурхондарё вилоятидаги Шеробод дарёси каби 14 та сув ҳавзаларига тегишли лойиҳалар ишлаб чиқиш режалаштирилган.
Ушбу сув ҳавзаларига «Ўздаверлойиҳа» ИТИ томонидан лойиҳаларни ишлаб чиқиш учун таклифлар билдирилиб, шартномалар тузилмоқда. Тегишли маблағлар Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармасининг 2022 йил иш режасига киритилган.
Тадбир доирасида бундан аввал муҳофаза зоналари белгиланган сув объектларининг ГИС технологиялар асосида рақамлаштириш масалалари атрофлича муҳокама қилиниб, бу борада амалга ошириш мумкин бўлган ишлар бўйича таклифлар олинди.
Давлат экология қўмитаси
Матбуот хизмати
Аҳоли саломатлигини асраш ва шаҳар ҳудудларида қулай экологик муҳитни қарор топтиришда маҳаллалардаги санитария-тозалик ҳолати, чиқиндиларни ўз вақтида зарарсизлантириш ва тизимли бошқариш ҳал қилувчи аҳамиятга эга.
Батафсил
«Ташаббусли бюджет» ҳудудларни ободонлаштириш ва инфратузилмани яхшилашда фуқаролар ташаббускорлигини ошириш билан бирга, жойлардаги энг оғриқли муаммоларни юзага чиқаришда ҳам муҳим омил бўлмоқда.
Батафсил
Инсон қадри ҳар қандай вазиятда ҳам устувор бўлиши, турли сабаблар билан хатога йўл қўйган фуқароларни соғлом муҳитга қайтариш, уларнинг касб-ҳунар эгаллаши ҳамда жамиятга ижтимоий мослашувига кўмаклашиш бугунги ислоҳотларнинг энг муҳим инсонпарвар тамойилларидан биридир.
Батафсил
Аҳоли саломатлигини асраш ва шаҳар ҳудудларида қулай экологик муҳитни қарор топтиришда маҳаллалардаги санитария-тозалик ҳолати, чиқиндиларни ўз вақтида зарарсизлантириш ва тизимли бошқариш ҳал қилувчи аҳамиятга эга.
«Ташаббусли бюджет» ҳудудларни ободонлаштириш ва инфратузилмани яхшилашда фуқаролар ташаббускорлигини ошириш билан бирга, жойлардаги энг оғриқли муаммоларни юзага чиқаришда ҳам муҳим омил бўлмоқда.
Инсон қадри ҳар қандай вазиятда ҳам устувор бўлиши, турли сабаблар билан хатога йўл қўйган фуқароларни соғлом муҳитга қайтариш, уларнинг касб-ҳунар эгаллаши ҳамда жамиятга ижтимоий мослашувига кўмаклашиш бугунги ислоҳотларнинг энг муҳим инсонпарвар тамойилларидан биридир.
Мамлакатимизда урбанизация ва шаҳар ҳаёти жадаллашган сари аҳолининг табиат қўйнида дам олиш, сокинликдан баҳраманд бўлиш ҳамда ўсимликлар олами билан яқиндан танишишга бўлган эҳтиёжи муттасил ортиб бормоқда. Статистика агентлиги маълумотлари ҳам ушбу ижобий экологик тенденцияни яққол тасдиқлайди.
Ватанимиз Мустақиллигининг 35 йиллиги байрами арафасида Тойлоқ туман соғлиқни сақлаш бўлимига қарашли 2-тип, 3-сон Оилавий поликлиника ўз фаолиятини бошлади.
