Якшанба
20-Сентябр 2026
Фуқаролар томонидан келиб тушаётган мурожаатларни ўрганишда халқ депутатлари Хоразм вилояти Янгиариқ туман кенгашига Экопартиядан сайланган Барно Қўчқорова ва Қамбар Шожонов ҳам бугун кўпчиликка намуна бўлмоқда.
Улар сайловолди дастурида қўйилган мақсадлар амалга ошиши учун мунтазам равишда учрашувлар ўтказиб, аҳолининг дарду ташвишларига қулоқ тутмоқда. Уларни қийнаётган муаммолар ижобий ечим топиши учун ҳаракат қилмоқда.
Бу икки депутат яқинда ана шундай эзгу ниятда Янгиариқ тумани «Гулбоғ» маҳалласида истиқомат қилувчи аҳоли вакиллари билан учрашди. Очиқ ва самимий мулоқот тарзида ўтган суҳбат давомида маҳалладаги энг муаммоли масалалардан бири – Шижоат кўчасида, 16 хонадон яшовчи икки қаватли уйлар ёнидаги канализация қудуғининг анчадан бери яхши ишламаётгани айтилди. Канализация қудуғининг яхши ишламаслиги эса ён-атрофга чидаб бўлмас даражада ёқимсиз ва бадбўй ҳид тарқалишига сабаб бўлмоқда.
Депутатлар тезкорлик билан бу муаммо сабабларини ойдинлаштиришди. Носозликка канализация қудуғининг устки бетон қисми ўпирилиб тушгани туфайли ифлос сувлар атрофга чиқиб кетганлиги аниқланди. Бу эса шу ердаги аҳолининг саломатлигига ёмон таъсир қилиши табиий. Қолаверса, болалар ўйингоҳи бўлмаганлиги сабабли кўчада ва қудуқ атрофида ўйнаб юрган болаларнинг унга тушиб кетиш эҳтимоли ҳам юқори экани қайд этилди.
Мутасадди идоралар раҳбарлари билан ҳамкорликда ушбу муаммоларни бартараф этиш чораларига киришилди. Керакли ташкилотларга депутатлик сўровномалари юбориладиган бўлди. Хуллас, Экопартия депутатлари ташаббуси билан аҳолини қийнаётган яна битта муаммо тез орада ечим топади.
Аҳоли саломатлигини асраш ва шаҳар ҳудудларида қулай экологик муҳитни қарор топтиришда маҳаллалардаги санитария-тозалик ҳолати, чиқиндиларни ўз вақтида зарарсизлантириш ва тизимли бошқариш ҳал қилувчи аҳамиятга эга.
Батафсил
«Ташаббусли бюджет» ҳудудларни ободонлаштириш ва инфратузилмани яхшилашда фуқаролар ташаббускорлигини ошириш билан бирга, жойлардаги энг оғриқли муаммоларни юзага чиқаришда ҳам муҳим омил бўлмоқда.
Батафсил
Инсон қадри ҳар қандай вазиятда ҳам устувор бўлиши, турли сабаблар билан хатога йўл қўйган фуқароларни соғлом муҳитга қайтариш, уларнинг касб-ҳунар эгаллаши ҳамда жамиятга ижтимоий мослашувига кўмаклашиш бугунги ислоҳотларнинг энг муҳим инсонпарвар тамойилларидан биридир.
Батафсил
Аҳоли саломатлигини асраш ва шаҳар ҳудудларида қулай экологик муҳитни қарор топтиришда маҳаллалардаги санитария-тозалик ҳолати, чиқиндиларни ўз вақтида зарарсизлантириш ва тизимли бошқариш ҳал қилувчи аҳамиятга эга.
«Ташаббусли бюджет» ҳудудларни ободонлаштириш ва инфратузилмани яхшилашда фуқаролар ташаббускорлигини ошириш билан бирга, жойлардаги энг оғриқли муаммоларни юзага чиқаришда ҳам муҳим омил бўлмоқда.
Инсон қадри ҳар қандай вазиятда ҳам устувор бўлиши, турли сабаблар билан хатога йўл қўйган фуқароларни соғлом муҳитга қайтариш, уларнинг касб-ҳунар эгаллаши ҳамда жамиятга ижтимоий мослашувига кўмаклашиш бугунги ислоҳотларнинг энг муҳим инсонпарвар тамойилларидан биридир.
Мамлакатимизда урбанизация ва шаҳар ҳаёти жадаллашган сари аҳолининг табиат қўйнида дам олиш, сокинликдан баҳраманд бўлиш ҳамда ўсимликлар олами билан яқиндан танишишга бўлган эҳтиёжи муттасил ортиб бормоқда. Статистика агентлиги маълумотлари ҳам ушбу ижобий экологик тенденцияни яққол тасдиқлайди.
Ватанимиз Мустақиллигининг 35 йиллиги байрами арафасида Тойлоқ туман соғлиқни сақлаш бўлимига қарашли 2-тип, 3-сон Оилавий поликлиника ўз фаолиятини бошлади.
