Якшанба
19-Апрел 2026
Бугунги кунда мактабгача таълим тизими нафақат билим бериш маскани, балки келажак авлоднинг жисмоний ва руҳий соғлом бўлиб шаклланишини таъминловчи асосий бўғин ҳисобланади. Шу боис, таълим муассасаларида яратилган шароитларни ўрганиш ва мавжуд камчиликларни бартараф этиш халқ вакиллари фаолиятининг устувор йўналишларидан бирига айланган.
Яқинда халқ депутатлари Тошкент шаҳар Кенгаши депутати Нодир Юнусов ҳамда Ўзбекистон Экологик партияси Тошкент шаҳар кенгаши раиси Севара Файзиева Сергели туманидаги «Эзгулик» маҳалласида жойлашган 593-сонли давлат мактабгача таълим ташкилотида бўлиб, муассасадаги реал ҳолатни атрофлича ўргандилар. 447 нафар болажонлар тарбияланаётган ушбу масканда таълим сифати, озиқ-овқат таъминотининг меъёрларга мувофиқлиги ҳамда иситиш тизимининг барқарор ишлаши ижобий баҳоланган бўлса-да, ўрганишлар давомида инфратузилмага оид қатор оғриқли муаммолар ҳам кўзга ташланди.
Хусусан, бино деворларининг таъмирталаб ҳолатга келиб қолгани, хоналардаги пол қисмида юзага келган ёриқлар санитария-гигиена ва хавфсизлик талабларига жавоб бермаслиги аниқланди. Шунингдек, муассаса ҳовлисидаги эскирган асфальт қопламаси болаларнинг эркин ҳаракатланиши ва сайр қилишида жароҳат олиш хавфини туғдирмоқда. Энг ачинарлиси, болажонларнинг жисмоний чиниқиши учун хизмат қилиши лозим бўлган сузиш ҳавзасининг йиллар давомида фойдаланишга яроқсиз ҳолатда экани муассаса имкониятларидан тўлиқ фойдаланилмаётганини кўрсатади. Аниқланган ушбу муаммоларни бартараф этиш, бинони капитал таъмирлаш дастурига киритиш ва моддий-техник базани янгилаш юзасидан мутасадди ташкилотларга депутатлик сўрови юборилди.
– Асосий мақсадимиз фақат камчиликларни қайд этиш эмас, балки уларнинг амалий ечимига эришишдир, – дейди Ўзбекистон Экологик партияси Тошкент шаҳар кенгаши раиси Севара Файзиева. –Болажонларимиз энг замонавий, шинам ва хавфсиз шароитда тарбияланиши – бугунги куннинг кечиктириб бўлмас талаби. Маҳаллалардаги таълим ташкилотларининг ҳолати нафақат давлат назоратида, балки кенг жамоатчилик ва депутатларнинг доимий эътиборида бўлиши шарт. Зеро, соғлом муҳитда камол топган бола эртага жамиятнинг мустаҳкам устунига айланади.
Ҳозирда мазкур муаммоларни ҳал этиш жараёни устидан қатъий депутатлик ва жамоатчилик назорати ўрнатилган.
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Батафсил
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Батафсил
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Батафсил
Бугун саноат тармоқларини ривожлантиришда нафақат иқтисодий самарадорлик, балки экологик хавфсизлик меъёрларига риоя этиш ҳам устувор вазифага айланди. Экологик партия вакиллари томонидан ишлаб чиқариш корхоналарида ўтказилаётган ўрганишлар айнан шу мақсадга йўналтирилган.
Маҳаллаларда халқ депутатлари томонидан ўтказилаётган сайёр қабуллар аҳолининг ҳаётий муаммоларини тинглаш, уларга амалий ечим топиш ва ижтимоий адолатни таъминлашда муҳим механизмга айланди.
Глобал иқлим ўзгариши шароитида сув ресурсларидан, айниқса, ер ости захираларидан оқилона ва тежамкорлик билан фойдаланиш стратегик аҳамиятга эга. Бу жараёнда соҳадаги норматив ҳужжатлар ижросини таъминлаш ва тизимли мониторинг тадбирларини ўтказиш экологик барқарорликнинг асосий гаровидир.
Сув ресурсларини тежаш ва қайта тикланувчи энергия манбаларидан фойдаланиш глобал экология кун тартибининг ажралмас қисмига айланган.
Мамлакатимизда истиқлолимизнинг ўттиз беш йиллик тўйига муносиб тайёргарлик кўриш ва уни юксак савияда нишонлаш борасидаги хайрли ишлар экологик ташаббуслар билан уйғунлашиб кетмоқда.
