Сешанба
26-Май 2026
Касбни аслида ким танлаши керак: ота-онами ёки фарзанд? Бу қанчалик муҳим?
Ботир болалигидан расм чизишга қизиқарди. Аввалига ота-онаси бунга болалик ҳаваси деб қаради. Аммо вақт ўтиб, касб танлаш вақти келганида, у мусаввир бўлмоқчи эканини айтди. Отаси ўғлини ҳисобчи қилмоқчи эди. Ўғил «Дада, мен ҳисоб-китоб ишларига қизиқмайман, мендан яхши ҳисобчи чиқмайди», деганида отанинг жавоби шундай бўлди: «Сенга нима яхшию, нима ёмонлигини мен биламан, гап тамом!» Отанинг айтгани бўлди, бироқ Ботир қайси ташкилотга ишга кирмасин, мароқ билан ишлай олмади.
Ҳа, у ҳаётдаги муҳим танловни қўлдан бой берганди. Аслида ҳаётимиздаги энг масъулиятли иш — касб танлаш. Умримиз давомида энг кўп вақтимизни касбимизга бағишлаймиз. Бунга эса катта масъулият билан ёндашиш фойдадан холи бўлмайди.
Мутахассисларнинг фикрича, касб танлаётганда, аввало, қизиқишга эьтибор қаратиш лозим. Агар касбга мажбурият юзасидан ёндашилса, иш жараёнида бепарволик ва масъулиятсизлик юзага келади. Инсон суйган машғулотидан осонликча ажрала олмайди, бу унинг табиатига хос хислат. Шундай экан, унинг ўзи меҳр қўйган касбни танлаши энг оқилона йўл.
Иккинчидан, катта ҳаёт бўсағасида турган ҳар қандай қалбда бироз қўрқинч ва чўчиш бўлиши, шубҳасиз. Баъзиларда «буни уддалай олмайман», деган қўрқув ҳисси бўлади. Бундай вазиятларда ота-она энг тўғри йўл кўрсатувчи бўлиши лозим.
Учинчидан, фарзандлар ўрнига ота-оналар қарор қабул қилмаслиги керак. Кўпинча фарзандлар касбини ота-она танлайди. Уларга яхшилик қиламан, деб аксинча, қийнаб қўйишади. Ишга нисбатан мажбурият бўлмагач, низолар, келишмовчиликлар келиб чиқади. Иши юришмаётгани ҳар кимни ҳам асабийлаштиради. Натижада ўзига бўлган ишончи сўнади.
Агар касб танлашда иккиланиш ёки нотўғри танлов бўлса, бир умр афсусда қолиш ҳеч гап эмас. Сабаби, қизиқмаган иш учун ҳеч қачон жон куйдирилмайди. Ҳаёт бир маромда ўтади. Ўзи ва жамият учун янгиликлар яратиш туйғуси нотаниш нарсага айланади.
Ҳаётимиз олис бир сафар. Бу сафарда суйган инсонларимиз, машғулотларимиз бизга ҳамроҳ бўлиши лозим. Акс ҳолда, қилган сафаримиз ўзимизга ҳам, бошқаларга ҳам хуш ёқмайди.
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Батафсил
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
