Жаҳон соғлиқни сақлаш ташкилоти маълумотларига кўра, сайёрамиз аҳолисининг 15 фоизи (бир миллиарддан ортиқроқ инсон) қисматига қайсидир даражада ногиронлик битилган. 60 ёшдан ошганларнинг 46 фоизини ногиронлар ташкил қилади. Ер юзидаги ногиронлиги бор инсонларнинг 10 фоизи эса болалардир. Бундай инсонларнинг 80 фоиздан ортиқроғи ривожланаётган мамлакатларда яшайди.
Имконияти чекланганлар ҳаёт тарзини яхшилашга дунё миқёсида эътибор қаратиш мақсадида БМТ томонидан 1983-1992 йиллар Халқаро ногиронлар ўн йиллиги деб белгиланган эди. Мазкур ўн йиллик якунида қабул қилинган резолюцияга мувофиқ, 3 декабрь – Халқаро ногиронлар куни деб эълон қилинган.
Мазкур халқаро ҳужжатга мувофиқ, БМТга аъзо барча мамлакатларга, шунингдек, тегишли ташкилотларга ногиронлиги бор шахсларнинг тўлақонли ҳаёт кечириши, ишлаши, таълим олиши ва саломатлигини тиклаши учун мунтазам тарзда зарур шарт-шароитлар яратиб бериш, мазкур кунни кенг миқёсда нишонлаш тавсия этилган.
Ушбу сана муносабати билан Наманган вилояти Янгиқўрғон туманида ҳам хайрия тадбири ташкил қилинди. Мазкур тадбирга туманда истиқомат қилувчи имконияти чекланган ҳамда ижтимоий ҳимояга муҳтож инсонлар таклиф қилинди.
Ушбу тадбир Халқ депутатлари Наманган вилояти Кенгаши депутати Расулжон Муҳиддинов ҳомийлиги ҳамда Экологик партиянинг Янгиқўрғон туман кенгаши фаоллари ҳамкорлигида ташкиллаштирилди.
Мазкур тадбирда 60 нафардан зиёд имконияти чекланган фуқароларнинг кайфияти кўтаринки бўлиши учун вилоятдаги машҳур санъаткорлар ташриф буюришди. Меҳмонларга эсдалик совғалари, ҳомийлар томонидан моддий кўмаклар берилди.
Миллатимиз азал-азалдан меҳр-оқибатли бўлиб келган. Кўмакка муҳтожларга ёрдам қўлини чўзиш азалий одатларимиздан. Халқимизга хос бағрикенглик, меҳрибонликдан беихтиёр фахр-ифтихор туясан. Меҳрни ҳамма нарсадан устун қўйгани сари, инсон номи, шаъни юксалади. Аммо имконияти чекланган, ижтимоий ҳимояга муҳтож инсонлар фақатгина ушбу кунда эмас, доим эсланиши, йўқлаб турилиши лозим. Уларнинг қисмати ҳар биримизни кечагидан-да кўпроқ оқибатли бўлишга ундайди. Зеро, инсондан меҳру муҳаббат, одамийлик қолади.
Экофаол ёшлар овози кўҳна Хивада янгради
🕔14:56, 05.11.2026
✔164
Минг йиллик Хиванинг сарғиш деворлари қуёш нурида тилларанг товланади, Ичан қалъа миноралари эса осмонга бўй чўзади. Шу қадимий шаҳарнинг Муҳаммад Ризо Огаҳий номидаги ижод мактабида ёш авлоднинг тафаккур ва масъулият қалъаси қад ростлади.
Батафсил
Она тилимиз рақамли дунё тилига айланиши шарт
🕔14:19, 30.10.2026
✔237
Cунъий интеллект, замонавий тиббиёт ва фазовий технологиялар даври бўлган XXI аср олдимизга мутлақо янги, аччиқ ва ҳаётий саволни кўндаланг қўймоқда: бугун ўзбек тилида замонавий илм-фан ютуқлари ва юқори технологиялар яратиляптими? Она тилимиз имкониятлари бунинг учун етарлими?
Батафсил
Исроф занжири: дастурхондан сайёрагача
🕔14:28, 22.10.2026
✔302
Музлатгични очиб, бир неча кунги овқатни кўриб, «эҳ, исроф бўлди-ку...» деб афсусланган пайтларингиз бўлгандир. Бу ҳолат сизга таниш. Аммо шу кичик исроф бутун сайёра миқёсида кўпайтирилса, ундан чиқадиган рақам ақлни шоширади. Гап шундаки, бугун дунё ўзи етиштирган озиқ-овқатнинг деярли бешдан бир қисмини шунчаки чиқиндига ташламоқда.
Батафсил