Сешанба
26-Май 2026
Пойтахтимизнинг Юнусобод тумани 4-мавзеси томонларга ҳеч йўлингиз тушганми? Шу атрофда қарийб бир гектар ташландиқ ер турли чиқиндилар билан «безалиб», анчадан буён кўпчиликнинг таъбини хира қиларди.
Ушбу ҳудуддаги чиқиндилар уюми теварак атрофда яшовчиларнинг ҳақли эътирозларига ҳам сабаб бўлганди. Аммо шу кунларда бу ташландиқ ер тадбиркор Улуғбек Турдиқулов томонидан обод қилинмоқда. Савобталаб тадбиркор ушбу катта ҳажмдаги ташландиқ ерни чиқиндилардан тозалаб, 1500 туп мевали дарахт кўчатлари экишни режалаштирган.
Халқимизда «Яхшидан боғ қолади, ёмондан доғ» деган пурмаъно нақл бор. Тадбиркор Улуғбек Турдиқулов ҳам ўзидан яхши ном қолдиришни ният қилган. Шунинг учун ҳам бу масканда ўз ҳисобидан боғ яратиб, унинг меваларини шу маҳаллада истиқомат қилувчи аҳолига, кам таъминланган оилалар ҳамда шаҳримиздаги мавжуд меҳрибонлик уйларига бепул тарқатиш ниятида хайрли ишга қўл урди.
– Юртим равнақи ҳамда падарим Эшбой отанинг хотираси учун шу жойни гўзал бир боғу роғга айлантириш илинжида дарахт кўчатлари экишга бел боғладим, – дейди биз билан суҳбатда тадбиркор Улуғбек Турдиқулов. – Зеро, ўзидан яхши ном ва яхши боғ қолдириш ота-боболаримиздан мерос бўлиб келаётган эзгу қадрият ҳисобланади. Ташландиқ ерларда боғ яратган, сўлим гўшалар барпо қилган қанча-қанча аждодларимиз номи ҳамон эҳтиром билан эсланади.
Ушбу ташаббус ҳар бир юртдошимизга ўрнак бўлса арзийди. Атрофингизга бир назар солинг. Балки сиз истиқомат қилаётган ҳудудда ҳам ана шундай қаровсиз ерлар бордир? Келинг, юртимизнинг ҳар бир қаричини гулларга, яшилликка буркайлик. Ватанимиз ҳақиқий маънодаги жаннатга айланишига ўз ҳиссамизни қўшайлик.
Тошкент шаҳар экология ва
атроф муҳитни муҳофаза
қилиш бошқармаси
матбуот хизмати
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Батафсил
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
