Чоршанба
25-Март 2026
Жорий йилнинг март ойида Европа Иттифоқининг «Европа Иттифоқи – Марказий Осиё: сув ресурслари, атроф муҳит ва иқлим ўзгариши соҳасидаги ҳамкорлик» (WECOOP) лойиҳаси минтақа журналистлари ўртасида «Қайта тикланувчи энергия манбаларига ўтиш – углерод нейтраллигига эришиш йўлида бизнинг ҳиссамиз» мавзуида ижодий танлов эълон қилган эди.
Бугун тобора глобал аҳамият касб этиб бораётган, чегара билмас экологик муаммолар Марказий Осиё минтақасида ҳам долзарб аҳамият касб этаётганидан хабарингиз бор. Ана шу экологик муаммолар ва уларнинг ечими масаласига халқаро жамоатчилик эътиборини қаратиш долзарб аҳамият касб этмоқда. Танлов Марказий Осиё аҳолисининг глобал кун тартибидаги барқарор ривожланиш мақсадларидан бири – углерод нейтраллигига эришиш ҳамда бу йўлда «яшил энергетика»дан фойдаланишнинг зарурат ва аҳамияти борасидаги хабардорлигини оширишга қаратилган.
Халқаро танловда 52 нафар журналист 86 та ижодий иши (босма, телевидение ва радио материаллар) билан иштирок этди. Европа Иттифоқининг Марказий Осиё давлатларидаги ваколатхоналари вакиллари ҳамда WECOOP лойиҳасининг нуфузли экспертларидан ташкил топган ҳакамлар ҳайъати 25 нафар номзод танловнинг финал босқичида иштирок этишига тавсия берди. Шулардан олти нафари танлов ғолиби, деб эълон қилинди.
Танлов натижаларига кўра, 1-ўринга Қирғизистоннинг «Азаттык» радиосидан Сабир Абдумомунов, 2-ўринга Ўзбекистондан «Oila va tabiat» газетаси мухбири Наргиза Умарова ҳамда Қозоғистон «Маншук Медиа» интернет нашридан Яна Каримова, 3-ўринга эса «Vremya.kg» ахборот-таҳлил портали (Қирғизистон)дан Канишай Ирисбек кизи, «Akchabar.kg» молия портали (Қирғизистон)дан Мария Индина ва Zakon.kz ахборот портали (Қозоғистон)дан Альберт Ахметов сазовор бўлди.
Газетамиз мухбири Наргиза Умарованинг «Энергия манбаларини диверсификациялаш: сиёсатми ёки зарурат?» («Oila va tabiat» газетаси, 2022 йил 14 апрель, 14-сон) сарлавҳали таҳлилий материали танловда юксак эътироф этилиб, ғолиб бўлди.
Ғолиблар Европа мамлакатларининг қайта тикланувчи энергия манбаларидан фойдаланиш ва бу соҳадаги замонавий, илғор технологиялар билан танишиш мақсадида жорий йилнинг ноябрь ойида Нидерландияга ўқув-саёҳатига юборилади.
Куни кеча танловнинг тақдирлаш маросими онлайн тарзда «Zoom» платформаси орқали ташкил этилди. Унда Европа Иттифоқининг Қозоғистондаги ваколатхонаси раҳбари жаноб Йоханнес Стенбаек Мэдсен, шунингдек, WECOOP лойиҳасининг экология соҳасига доир сиёсатни амалга ошириш бўйича бош эксперти Юлия Докторова сўзга чиқиб, Марказий Осиё мамлакатларининг қайта тикланувчи энергия манбаларини ривожлантириш йўлидаги дадил саъй-ҳаракатлари ҳамда уларга бу борада Евроиттифоқ томонидан кўрсатилаётган амалий ёрдам хусусида тўхталди.
Танлов иштирокчилари ва ғолибларига электрон сертификатлар топширилди.
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Батафсил
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
Батафсил
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
Газетанинг ўтган сонида «Фаровонлик тафаккурни туман билан қопламасин» сарлавҳали таҳлилий мақолани катта қизиқиш билан ўқиб чиқдим. Ҳаётимиздаги қанча-қанча нарсани исроф қилаётганимизга, тафаккуримиздаги камчиликларга ойна тутилибди мақолада.
Унга кўра, Чиқиндиларни бошқариш ва циркуляр иқтисодиётни ривожлантириш агентлигида республика ишчи штаби ташкил этилиб, тадбир давомида санитар тозалаш корхоналари томонидан барча ҳудудлар қаттиқ маиший чиқиндилардан тозаланади.
