Сешанба
26-Май 2026
«Oila va TABIAT» газетасининг 2025 йил 20 февралдаги 7-сонида эълон қилинган «Навбаҳорда экологик фожиа марказига айланаётган полигон нега мутасаддилар эътиборидан четда қолмоқда?» сарлавҳали мақолада айтиб ўтилган ҳолат Навоий вилояти Экология, атроф-муҳитни муҳофаза қилиш ва иқлим ўзгариши бошқармаси томонидан ўрганиб чиқилибди. Ўрганиш натижалари бўйича Бошқарма томонидан қуйидагича расмий муносабат билдирилди:
Ўзбекистон Республикаси Президентининг 2020 йил 29 сентябрдаги «Маиший ва қурилиш чиқиндилари билан боғлиқ ишларни бошқариш тизимини янада такомиллаштириш чора-тадбирлари тўғрисида»ги ПҚ-4845-сон қарори асосида Хатирчи, Навбаҳор, Конимех, Нурота туманларидаги қаттиқ маиший чиқиндиларни йиғиш полигони «Mironshox komfort servis» МЧЖга давлат хусусий шерикчилик асосида бириктириб берилган. Шунингдек, қаттиқ маиший чиқинди полигонлари давлат хусусий шериклик лойиҳалари доирасида хусусий шерикларга вақтинчалик беғараз фойдаланишга берилган.
Ўзбекистон Республикаси Президентининг 2024 йил 4 январда қабул қилинган ПФ-5-сонли «Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида»ги қарорининг 10-иловаси 15-банди ҳамда Чиқиндилар билан боғлиқ ишларни амалга ошириш тизимини мувофиқлаштириш ва такомиллаштириш бўйича Республика комиссиясининг 2023 йил 15 декабрдаги 1-сон мажлис баёнига мувофиқ «Чиқинди полигонларини бошқариш дирекцияси» Навоий вилоят ҳудудий бошқармаси Давлат муассасаси ташкил этилди.
«Маиший чиқиндилар билан боғлиқ ишларни амалга ошириш соҳасида хизматларни кўрсатишга давлат-хусусий шерик «Mironshox komfort servis» МЧЖ билан қўшимча келишувга асосан, маиший чиқинди полигонлари «Чиқинди полигонларини бошқариш дирекцияси» давлат муассасасининг Навоий вилояти бошқармасига тўлиқ ўтказиб берилган...
Навбаҳор туман «Юқори Бешработ» МФЙ полигони 3 гектар майдонга эга бўлиб, бугунги кунда 3 та махсус техника – 2 та бульдозер, 1 та юқори қувватга эга фронтал юклагич доимий суриш, кўмиш ва зичлаш ишларини олиб бормоқда.
Шу билан бирга, ҳудудий бошқарма балансига қабул қилиб олингунига қадар, Навбаҳор туман полигонида ҳудуддан чиқиш ҳолатлари аниқланган бўлиб, бу бугунги кунда бартараф этилган ва ушбу ҳолатлар қайта такрорланмаслиги юзасидан тегишли чоралар кўрилган.
Шунингдек, ҳудудий бошқарма томонидан полигон атрофига 2024 йил куз мавсумида 3350 туп дарахт кўчатлари экилиб, агротехник ишлари амалга оширилиб келинмоқда.
Маиший чиқинди полигонларини бошқа ҳудудга кўчириш имконияти мавжуд эмаслигини инобатга олиб, ҳудудни баланд девор билан ўраш ҳамда моддий-техник базани яхшилашни ҳудудий бошқарманинг моддий имкониятидан келиб чиқиб келгуси йилда амалга ошириш режалаштирилган.
Юқоридагиларни инобатга олиб, Навбаҳор тумани Юқори Бешработ маҳалласи ҳудудидаги 20 гектар ер майдони ажратилиши, Навбаҳор тумани ҳудудида жойлашган полигон тўлиқ ёпилиши ҳамда полигон ҳудудидан қайта юклаш станцияси қуриш режалаштирилган бўлиб, тизимли равишда ишлар ташкиллаштирилган...
Бу каби ҳолатларнинг олдини олиш мақсадида Навоий вилояти Экология бошқармаси томонидан доимий тарзда полигонлар учун ажратилган махсус техникаларни марказлаштирилган ҳолда жалб этиб, полигонларда чиқиндиларни суриш, зичлаш ва тупроқ билан кўмиш ишларини ташкил этиш ҳамда бир ой муддатда ҳудудий бошқарма тасарруфида бўлган ва бугунги кунда фойдаланилмаётган маиший чиқинди полигонларини тегишли тартибда рекультивация қилиш чораларини кўриш юзасидан кўрсатмалар берилди.
Навоий вилояти Экология бошқармаси
Матбуот хизмати
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Батафсил
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Батафсил
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Батафсил
Вазирлар Маҳкамасининг «Ўзбекистон Республикасида гидрометеорология хизмати инфратузилмасини ривожлантириш ва мониторинг қилиш тизимини такомиллаштириш, шунингдек, фуқаро авиацияси ҳаво кемалари парвозларининг хавфсизлигини метеорологик таъминлашга доир қўшимча чора-тадбирлар тўғрисида»ги қарори қабул қилинди.
Ўзбекистон Журналистлар уюшмаси ва бир қатор ташкилотлар ҳамкорлигида миллий ва халқаро журналистиканинг энг юксак ютуқларини кенг оммалаштириш, Янги Ўзбекистон руҳига мос янгича тафаккур тарзини шакллантириш, миллий контентни бойитиш, юртимизда инсон қадрини улуғлаш, одамларнинг онгу тафаккурини юксалтириш, жамиятимизда очиқлик ва ошкоралик муҳитини мустаҳкамлаш, оммавий ахборот воситалари ходимлари фуқаролик позицияларини намоён этишлари учун шароит яратиш ҳамда журналистларда танқидий-таҳлилий фикрлашни ва ижодий фаолиятга янгича ёндашувларни рағбатлантириш мақсадида «Олтин қалам» XX Миллий мукофоти учун халқаро танловини эълон қилади.
Инсон ҳаётидаги бирламчи восита сувдир. Унга инсонларнинг ҳар кун эҳтиёжи тушади. Кўл ҳам инсонларга беминнат хизмат қилади. Сув ҳар қандай нотоза нарсани тозалай олади, ҳар қандай кирни ювиб кеткиза олади. Инсонларнинг ҳам пок ва озода бўлишини таъминлаб беради. Сув инсоннинг танасини покласа, илм инсоннинг қалбини ҳар қандай чиркиндилардан тозалаб, уни поклашга хизмат қилади.
Заҳириддин Муҳаммад Бобурнинг «Бобурнома» асари ўзбек мумтоз адабиётининг ноёб дурдоналаридан бири бўлиб, унда тарих, адабиёт, география, этнография, атроф-муҳит ва инсон руҳияти бир-бири билан чамбарчас боғлиқ ҳолда акс этган. Асарнинг энг диққатга сазовор жиҳатларидан бири – табиат ва инсон муносабатларининг чуқур, самимий ва фалсафий талқини.
Ўзбекистон Фанлар академияси Ўсимлик моддалари кимёси институти олимлари маҳаллий ўсимликларнинг сувда эрувчи полисахаридлари асосида экологик тоза ва тўлиқ биопарчаланадиган плёнкалар олишнинг янги оптимал рецептурасини ишлаб чиқди.
