Ватанимиз Мустақиллигининг 35 йиллиги байрами арафасида Тойлоқ туман соғлиқни сақлаш бўлимига қарашли 2-тип, 3-сон Оилавий поликлиника ўз фаолиятини бошлади.

Янги поликлиника «Сочак», «Истиқлол», «Гулобод» ва «Узунқишлоқ» маҳаллаларидаги 12 034 нафар аҳолига хизмат кўрсатади. Муассасада 4 нафар оилавий шифокор, 4 нафар амалиётчи ҳамшира, 12 нафар патронаж ҳамшираси, шунингдек, 2 нафар педиатр ва 1 нафар УЗИ шифокори фаолият юритади. Самарқанд вилоятида ижтимоий-иқтисодий соҳаларда олиб борилаётган ислоҳотлар ижроси, аҳолини рози қилиш ва уларнинг мурожаатларига ечим топиш мақсадида ўрганишлар олиб борган Олий Мажлис Қонунчилик палатаси депутати Ботирали Шодиев ушбу оилавий поликлиникада яратилган шароитлар билан яқиндан танишди. Депутат поликлиника ходимлари ва жамоатчилик вакилларига тиббиёт соҳасидаги ислоҳотлар ҳамда уларнинг ижросидан кўзланган асосий мақсадлар юзасидан атрофлича маълумот берди.