Кўпинча помидорларга фитофтора тушиб, сабзавоткорни ўйлантириб қўяди. Фитофтора ёки фитофтороз — ўсимликларни зарарлайдиган замбуруғли касаллик.
Олдин ўсимлик тупига тушади ва тезда бутунлай қоплаб олади. Касалланган помидор барглари, пояси ва мевасига қўнғир тусли доғ тушади. Бу касаллик бир неча кун ичида бутун ҳосилни ҳам нобуд қилиши мумкин. Хўш, фитофторага қарши қандай курашиш мумкин?
Унга чидамли бирор помидор навини тавсия этишнинг иложи йўқ. Фитофтора касаллигида «Аквисил», «Трайдекс», «Поликарбоцин», «Оксиком», «Арцерид» ва «Азофос» препаратларини қўлланмасида келтирилган тартибда тизимли ишлатиш яхши самара беради. Бунда ҳар 10 кунда препарат янгисига алмаштирилиб, сепилади.
Бундан ташқари, касалликнинг илк аломатлари кўрина бошлаганда фитофтора замбуруғи тушган барг ва помидорни олиб ташлаб, ўсимликка дори билан ишлов бериш талаб этилади. Аммо помидорлар катталашиб кетган бўлса, дори билан ишлов беришдан воз кечишга тўғри келади. Негаки, дори сепилгандан сўнг камида 20 кун ўтгачгина мевани бозорга чиқариш ва истеъмол қилиш мумкин.
Айрим тажрибали сабзавоткорлар фитофтороз аломатлари кўрина бошлаганданоқ йирик-йирик помидорларни териб олиб, хона ҳароратида етилишга қўядилар.
Микро кўкатнинг макро фойдаси
🕔15:27, 16.10.2025
✔40
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Батафсил
Экологик хавфсиз, юқори даромадли иссиқхоналар – Навбаҳорда
🕔10:49, 11.09.2025
✔123
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
Батафсил
Agrobank – томорқачига кўмакчи
🕔15:36, 27.03.2025
✔311
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Батафсил