Тошкентда аҳолининг ижтимоий ёрдамга муҳтож қатламини қўллаб-қувватлаш мақсадида нодавлат-нотижорат ташкилот — «Intilish» ахборот-ўқув маркази қошида ижтимоий кўмак маркази очилди.

Марказ аҳолининг ижтимоий ёрдамга муҳтож қатламига психологик ва юридик кўмак кўрсатади. Лойиҳа ўзида Тошкент шаҳри ва Тошкент вилоятида яшовчи 1,2 минг ижтимоий ёрдамга муҳтож аҳоли вакилини қамраб олади. Улар орасида қамоқдан озод қилинганлар, гиёҳванд моддаларига боғланиб қолганлар, ОИТС, сил билан касалланганлар ва бошқа беморлар бор.