Яқинда тўртинчи синф болаларининг ўқув йилини тугаллаш муносабати билан  ёзган иншолари қўлимга тушиб қолди. Мавзу ҳаммага бир хил берилган ва иншо эркин ёзилган. Уларда шундай сатрларга дуч келдимки... Қўяверасиз. Марҳамат,  яхшиси, ўзингиз ўқий қолинг.

1. «Дадамнинг фикрича, мен бутун ёз давомида тинмай китоб ўқир эканман. Шунда бешинчи синфда адабиётдан фақат беш олармишман. Онамнинг фикрича, мен кунига уч марта пианинода машқ қилар эмишман. Ҳеч қанақа мультфильм кўрмасмишман. Ариқда чўмилиш, яшинмачоқ ўйнаш мумкин эмасмиш. Бунга мен кеча отамнинг олдида тантанали қасамёд қилдим. Фақат ўзимда шубҳа бор. Улар бунга эриша олишармикин?..»

2. «…Бу ёзда аканг қарағай испортсмен бўлмоқчи. Отамнинг елкасидан тушиб, энди ўзим суза бошлайман. Энди отанинг нима кераги бор?..»

3. «Бу ёздан умидларим катта. Камида йигирма сантиметрга ўсишим шарт. Мускулларим дўппайиб турсин, каратэчи бўлиб кетай. Ана ундан сўғин синфдошларим билан «гаплашгани» келаман!»

4. «О, ёз, сен келдингми!? Сени шунчалар кутдимки. Ниҳоят эркинликка чиқдик. Энди бемалол эснаш, овқатни чаппиллатиб ейиш, бурун ковлаш ва одамлар олдида қашланиш мумкин бўлади!»

5. « … ва ниҳоят мен қишлоққа — севгилимнинг олдига бораман!!»

6. «Отам менга ёз бўйи ёғоч ўймакорлигини ўргатмоқчи, менинг эса кўўўп режаларим бор...»

9. «Ёзда мен иккита граната ва битта автомат олиб қутурган бўрилар билан тўқнашгани ўрмонга кириб кетаман!..»

10. «Ўқув йили давомида роса жиддий бўлдим. Етар! Энди бутун ёз давомида енгилтаклик қиламан...»

 11. «Ёзда бекор вақт ошиб-тошиб ётади. Толстойлик қилсаммикин... Умримнинг дастлабки мучали ҳақида роман ёзсаммикин, масалан, мени ким севди, ким кўролмайди, мен кимни севдим ва кимни кўролмайман...»

Дурдона  МАҲМУДОВА

тўплаган.