Жума
31-Октябр 2025
Август ойида ҳам боғ ва токзорларда иш қизғин бўлади. Негаки, эртага олинадиган ҳосил чўғи, сифати шу ойда ўтказиладиган агротехник тадбирларга ҳам бевосита боғлиқ.
Ушбу ойда ҳосилга кирган боғларда нок, шафтоли ва олхўри терилади. Беҳи, кечпишар олма ва нок боғларида олма қурти ва нок ширасига қарши курашилади. Агар июль ойининг охирги беш кунлигида дори пуркалмаган бўлса, август ойининг биринчи беш кунлигида бу тадбирни ўтказиш керак бўлади. Хўш, бунда қандай кимёвий воситалар ишлатилади?
— Кенг ишлатиладиганларидан «Карбофос», «Би-58», «Фозалон» препаратлари (100 литр сувга 200-300 грамм ҳисобида) ёки «Циперфос» (100 грамм), «Карате», «Децис», «Сумиальфа» (100 литр сувга 40-50 грамм аралаштириб) препаратларини қўллаш мумкин, — дейди қишлоқ хўжалиги фанлари номзоди Абдулла ОРИФОВ. — Мева каналари тарқалиши кузатилса, бу воситаларга «Омайт», «Неорон» препаратлари (100 литр сувга 150 грамм ҳисобида) сувга аралаштириб пуркалади. Бундай ҳолларда намланувчи олтингугуртнинг 1 фоизлисини қўллаш ҳам тузук самара беради.
Узумнинг кузги навлари узилади. Қалинлашиб кетган токзорларда новдаларнинг юқори қисми қисқартирилиб, кесиб ташланади. Чеканка қилишни эса айрим ҳолларда жуда кучли ўсувчи токзорларда сийраклаштириш билан бирга августнинг биринчи ярмида ўтказиш мумкин. Бунда ғўра хомтокдан қолиб кетган бачки новда ва баргларнинг ток тупини қалинлаштириб юборадиган, ҳаво ва ёруғликнинг етиб боришига тўсқинлик қиладиган қисмлари олиб ташланади. Бундай чеканка натижасида новдалар ва ҳосил яхши пишади, меваларнинг ширадорлиги ошади. Кейинчалик эса токни кесиш анча осонлашади.
Кечпишар узум навлари мевасини узишга 15-20 кун қолганда суғорилади. Токзорларда чилла чиқиши билан қалинлашиб кетган тупларда узум бошларига соя солиб турган барглар олиб ташланади, кучли ўсиб кетган новдалар учи кесилади. Агар токзорда кул касаллиги тарқалса, олтингугурт билан (гектарига 30-40 килограмм ҳисобида) чанглатилади.
Хуллас, юқорида келтирилган агротехник тадбирлар ўз вақтида ва тўғри ўтказилса, боғ ва токзорлардан мўл-кўл ҳосил ва мўмай даромад олиш мумкин.
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Батафсил
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
Батафсил
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Батафсил
Сўнгги ўн йилликларда озиқ-овқат биологияси ва диетология соҳаларида микрокўкатларга бўлган қизиқиш кескин ортди. Бу ёш ниҳоллар ташқи кўринишда оддий кўкатларга ўхшаш бўлса-да, озиқавий таркиби ва биологик хусусиятлари жиҳатидан улардан сезиларли даражада фарқ қилади.
Бугунги кунда мамлакатимизда яратилаётган қулай инвестициавий муҳит туфайли турли йирик лойиҳалар, жумладан, қишлоқ хўжалиги, экология, ичимлик сув таъминоти ҳамда замонавий турар жой қурилиши йўналишида кенг кўламли ишларга гувоҳ бўляпмиз.
«Агробанк» акциядорлик тижорат банки томонидан Президентимизнинг 2025 йил 6 мартдаги «Маҳаллаларда томорқалардан самарали фойдаланишни ташкил этиш орқали аҳоли бандлиги ва даромадларини оширишга қаратилган ишларни янада жадаллаштириш тўғрисида»ги фармойиши ижросини таъминлашга алоҳида эътибор қаратилмоқда.
Навоий вилоятида турли миллат вакиллари бирдам ва иноқликда яшаб келишади. Улар жамиятнинг турли соҳаларида эл-юрт учун муносиб хизмат қилишаётгани, албатта эътирофга муносиб.
Маиший ва саноат чиқиндиларини безарар утилизация қилиш бугунги кундаги энг долзарб экологик муаммолардан бирига айланиб қолмоқда. Бир қанча ривожланган давлатларда бу масалага муаммо сифатида эмас, ишлаб чиқариш учун иккиламчи хомашё манбаи деб қаралаётгани ҳеч кимга сир эмас.
