Пайшанба
30-Октябр 2025
Тошкент метрополитенига тушсам, ҳар гал тўда-тўда бўлиб юрган хорижлик сайёҳларга дуч келаман. Умуман, юртимизнинг барча диққатга сазовор жойларида атрофга ҳайрат билан қараётган, ҳар қадамини суратга муҳрлашга интилаётган сайёҳлар кўп учрайди.
Мамлакатимизга ҳар йили миллионлаб сайёҳ ташриф буюради. Уларни бой тарихимиз, маданиятимиз, урф-одатларимиз оҳанрабодек ўзига тортади. Чет элликларнинг Ўзбекистонни танлашига ундайдиган яна бир асосий сабаб — мамлакатимизда тинчлик-осойишталик ҳукмрон. Сайёҳга эса юрт кезиш учун, биринчи навбатда, хавфсиз жой муҳим.
Ана шундай сайёҳларнинг айримларидан интервью олиб, уларнинг юртимиз ҳақидаги таассуротлари билан қизиқдик.
Томио ОТОВА, Япония:
— Ўзбекистон ўзининг мўъжизакор, муҳташам бинолари, лаззатли таомлари билан мени ўзига ром этди. Бухорога борганимда бутунлай ўзга оламга тушиб қолгандек сездим ўзимни. Ўзгача услубдаги бинолар, гўзал нақшлар, бетакрор архитектура — бу сизнинг буюк тарихингиз нишонасидир. Халқингиз ниҳоятда меҳмондўст экан. Бунчалик очиқчеҳра одамларни бошқа жойда учратмаганман. Энг муҳими, Ўзбекистон хавфсиз, осойишта давлатлардан бири. Кечаси ҳам хотиржам юраверади киши.
Абҳай КМСАЛ, Ҳиндистон:
— Ўзбекистон — тўрт фасли тугал жаннатмакон диёр. Об-ҳавоси жуда ёқимли. Келаси сафар бу ўлкага оилам билан келиб, дам олиб кетишни ният қилдим. Менга сизнинг миллий либосларингиз жуда ёқди. Турмуш ўртоғимга дўппи, чопон, адрас матосидан кўйлак ва ўзбек миллий тақинчоқларидан сотиб олдим. Қизимга эса нақшинкор ишланган атторлик қутичаси харид қилдим.
Хуан КАРЛОС, Испания:
— Ўзбекистон тарихи билан жуда яхши танишман. Уни буюк даҳолар, саркардалар ва полвонлар юрти деб атасам, муболаға бўлмайди. Юртингизни айланиб, унинг ниҳоятда буюк ўтмиши борлигини ўз кўзим билан кўрдим.
Бугун Ўзбекистонни ривожланган давлатлар қаторида кўриб турибман. У шу тарзда равнақ топишда давом этса, буюк тарихи билан уйғунлик касб этиб, жаҳон майдонидаги нуфузи янада ортади.
Изабел РЕДОНДО, Мексика:
— Ўзбекистонга келганимга бугун ўн беш кун бўлди. Самарқанд, Хива, Бухоро ва Тошкентда бўлдим. Тарихий биноларгина эмас, оддий идишлардан тортиб, либослар, сумка-ю тақинчоқлар, ҳатто, метро бекатлари ҳам буюк санъат асарига айлантирилганига гувоҳ бўлиб турибман. Халқингизнинг ижодкорлиги, бой тасаввуридан ҳайратдаман.
Алиса МАРТИНЕЗ, Германия:
— Ўзбекистонга келганимда мени ҳайратга солган ҳолат болалар бўлди. Улар бегона одамдан ҳайиқмас экан. Бир болани қўлимга олиб кўтарганимда у менга табассум қилиб, немисчалаб саломлашди. Лол қолдим. Йигирмага яқин давлатда бўлиб, ҳали бундай ҳолатни кузатмагандим. Бундан ташқари, миллий таомларингиз ниҳоятда лаззатли. Айниқса, палов ва норин. Тотиб кўриш учун яна Ўзбекистонга келишга тайёрман.
Бугун Ўзбекистонда ижтимоий ҳаётда юз бераётган ўзгаришлар, глобаллашув, рақамлашув, урф-одат ва анъаналарнинг трансформацияси ҳамда ёшлар онгида шаклланаётган янги қадриятлар фонида оила институтининг мустаҳкамлиги масаласи янада долзарб аҳамият касб этмоқда.
Батафсил
Унинг мезони эрталабки бадантарбия, кун бўйи саломат юриш, кам овқатланишга одатланиш, оила билан саёҳатга чиқиш, китоб мутолаа қилиш, кутубхонага бориш, дорихона-ю шифохонага мурожаат қилмаслик, тўй-маъракаларни камхарж ўтказиш кабилар билан ўлчанса ажабмас.
Батафсил
Зўравонликка учраганлар ҳуқуқини ҳимоя қилиш бўйича ташкил этилган ишонч телефонига қилинган мурожаатлар сони ноябрь ойида октябрга нисбатан икки баробар ошгани қайд этилди.
Батафсил
Бугун Ўзбекистонда ижтимоий ҳаётда юз бераётган ўзгаришлар, глобаллашув, рақамлашув, урф-одат ва анъаналарнинг трансформацияси ҳамда ёшлар онгида шаклланаётган янги қадриятлар фонида оила институтининг мустаҳкамлиги масаласи янада долзарб аҳамият касб этмоқда.
Унинг мезони эрталабки бадантарбия, кун бўйи саломат юриш, кам овқатланишга одатланиш, оила билан саёҳатга чиқиш, китоб мутолаа қилиш, кутубхонага бориш, дорихона-ю шифохонага мурожаат қилмаслик, тўй-маъракаларни камхарж ўтказиш кабилар билан ўлчанса ажабмас.
Зўравонликка учраганлар ҳуқуқини ҳимоя қилиш бўйича ташкил этилган ишонч телефонига қилинган мурожаатлар сони ноябрь ойида октябрга нисбатан икки баробар ошгани қайд этилди.
Косон туманидаги «Арабхона», «Юқори Арабхона» маҳаллалари аҳолиси ўртасида эрта турмуш, яқин қариндошлар ўртасидаги никоҳнинг олдини олиш мақсадида йиғилиш ўтказилди.
Оила жамиятнинг асосий бўғини сифатида қадрланади. Оила қанчалик мустаҳкам бўлса, жамият шу қадар фаровон ва барқарор ривожланади. Бу борада халқ депутатлари Кўкдала туман Кенгашига Ўзбекистон Экологик партиясидан сайланган депутат, тумандаги «Олтин бошоқ» маҳалласи хотин-қизлар фаоли Дилноза Эшмаматованинг олиб бораётган ишлари таҳсинга лойиқ.
