Душанба
20-Апрел 2026
Ота-боболаримиз дуога қўл очганда «ўт балосидан асрасин», деган гапни тилга олишни канда қилмайди. Бунинг замирида катта маъно бор, албатта. Негаки, ёнғин — қудратли куч. У содир бўлса, даҳшатли балога, кулфатга айланиши мумкин.
Айрим ҳудудларда эътиборсиз қолдирилган бинолар, вақтинча бўш турган иншоотлар ёнғин хавфи бор жойлар ҳисобланади. Хусусан, қурилиши тугамаган айрим биноларда тез аланга олувчи турли буюмларнинг тўпланиши ва қаровсиз қолдирилиши ёнғин келиб чиқиш эҳтимолини оширади.
Бундан ташқари, ҳовли уйларда содир бўлаётган ёнғинларнинг катта майдонга тарқалиб кетишига қурилишда ёнғинга қарши оралиқ масофаларни сақламаслик, томлардаги ёғоч панжараларга тилсиз ёвга қарши махсус суюқлик билан ишлов бермаслик, уйлар орасида ёнғинга қарши деворлар қурилмаслиги сабаб бўлмоқда. Шунинг учун хонадонларда ёнғиннинг олдини олиш мақсадида янги қурилаётган ёки таъмирланаётган уй-жой ҳовлиларда ёзги ошхона ва тандирхона, молхона ва ем-хашакхоналарнинг ҳамда ҳар жуфт хоналар орасида олти метрдан кам бўлмаган ёнғинга қарши оралиқларни сақлаш керак.
Шу билан бирга, икки қўшни хонадон оралиғида томни кесиб ўтувчи 60 сантиметр баландликдаги ва қалинлиги 12 сантиметрдан кам бўлмаган ёнғинга қарши деворлар билан ажратиш зарур. Уй томининг ёғоч панжаралари ўтга бардошли бўлиши учун унга суюқликлар билан ишлов бериш, иситиш печкаларини қоидага мувофиқ ўрнатиш зарур. Энг муҳими, бинодан фойдаланишда ёнғин хавфсизлигини таъминлашнинг оддий қоидаларига риоя этиш каби тадбирлар орқали иморатларни ёнғиндан сақлашга эришилади.
Шу билан бирга, уйларда содир бўлаётган ёнғиннинг асосий сабаби — электр ускуналарининг носозлиги, газҳисоблагичларда қўлбола сақлагичларни қўллаш, симларни бир-бирига вақтинчалик боғлаб улаш, болаларнинг олов билан ўйнаши, электр ва газ пайвандлаш вақтида ёнғин хавфсизлиги қоидаларига риоя қилмаслик, ностандарт электр иситиш воситаларидан фойдаланиш кабилар киради. Энг ачинарлиси, спиртли ичимлик истеъмол қилган ёки тамаки маҳсулотини чекиш вақтидаги эҳтиётсизлик ҳам ёнғинни келтириб чиқараётган омил бўлмоқда.
Юқоридагиларни инобатга олиб, ёнғин хавфсизлиги қоидаларига қатъий амал қилишингизни сўраймиз. Аслида ёнғин юз беришининг олдини олишга қаратилган чора-тадбирлар жуда оддий. Фақат уларга риоя этилса бас. Шунда инсон мол-мулки ва яқинлари ҳаётини асрашга ўзининг муносиб ҳиссасини қўшган бўлади.
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Батафсил
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Батафсил
Олий Мажлис Қонунчилик палатасининг навбатдаги мажлисида коррупцияга чек қўйиш ва аҳолининг ижтимоий ҳимоясини кучайтиришга қаратилган бир қатор муҳим қонун лойиҳалари муҳокамалар марказида бўлди. Депутатлар томонидан кўриб чиқилган янги тартиблар нафақат жазо чораларини қатъийлаштириш, балки фуқаролар учун давлат хизматларини соддалаштиришни ҳам кўзда тутади.
Дунё нега фарзандларини ижтимоий тармоқдан тўсмоқда?
Ислом цивилизацияси марказининг очилиши халқимизнинг тарихий ўрни ва маънавий қудратини дунёга яна бир бор намоён этган муҳим воқелик бўлди.
Янги Ўзбекистоннинг энг катта стратегик ресурси бўлган навқирон авлод вакиллари жўшқин шижоати, креатив фикрлаши ва янгиликка интилувчанлиги билан инновацион ривожланиш ва барча жабҳада ижобий ўзгаришларнинг ҳаракатлантирувчи кучи ҳисобланади.
Бугунги кунда туризм соҳаси дунё мамлакатларида миллий иқтисодиётга салмоқли даромад келтирувчи тармоқлардан бири ҳисобланади. Мамлакатимизда ҳам ушбу соҳанинг жадал ривожланиши, айниқса экотуризм, агротуризм, археологик, этнографик ва экстремал ноанъанавий туризм йўналишлари тўғридан-тўғри табиат ва унинг бебаҳо ресурслари билан уйғунликда амалга оширилмоқда.
