Пайшанба
23-Июл 2026
Жорий йилнинг 9 январида давлатимиз раҳбари «Ўзбекистон Республикасининг Мудофаа доктринаси тўғрисида»ги қонунни имзолаган эди.
Эътиборлиси, доктринанинг маъно-мазмуни биринчи марта очиқлик хусусиятига эга бўлди. Бу эса мудофаа сиёсатимизнинг очиқлигини намоён этади.
Таъкидлаш жоизки, доктринада Ўзбекистоннинг мудофаа соҳасидаги сиёсати бўйича принципиал ёндашувлар, уларни қўллаш асослари, Қуролли Кучлар олдида турган вазифалар, шунингдек, миллий армиямиз қурилиши ва ривожланишини давом эттириш бўйича истиқболли йўналишлар белгилаб берилди. Мудофаа салоҳиятини оширишга қаратилган кўплаб чора-тадбирларни санаб ўтиш мумкин. Лекин бу борада мамлакатимиздаги оммавий ахборот воситаларининг роли қандай бўлмоқда?
Ўзбекистон журналистлари ижодий уюшмаси қошидаги ҳарбий-ватанпарварлик кенгаши тақдим этган маълумотларга кўра, жорий йилнинг ўтган даврида республикада чоп этилаётган босма ОАВда 900 дан зиёд мақола, 400 дан ортиқ фотосурат чоп этилган. Бироқ шулардан тахминан 83 фоизи (750) «Ватанпарвар» газетаси ва «Ўзбекистон армияси» улушига тўғри келмоқда. Қолганларини эса, асосан, марказий ОАВ, хусусан, «Халқ сўзи», «Народное слово», «Правда востока», «Маърифат», «Ёшлар овози», «Ҳуррият», Ўзбекистон миллий ахборот агентлиги кабилар ташкил этади.
— Ўзбекистоннинг мудофаа қобилиятини мустаҳкамлаш, мустақилликни, тинч ва осойишта ҳаётни асраш борасида давлатимиз юритаётган сиёсат халқимизга тўлақонли етказиб берилмаяпти, — дейди Ўзбекистон журналистлари ижодий уюшмаси қошидаги ҳарбий-ватанпарварлик кенгаши раиси, полковник Алижон Сафаров. — Айрим журналистларда «бу ёпиқ мавзу, ҳарбий сирлар билан боғлиқ» деган эскича қараш ҳанузгача сақланиб қолган. Ваҳоланки, соҳага оид меъёрий-ҳуқуқий ҳужжатлар борасида қанчадан-қанча таҳлилий материал тайёрлаш мумкин. Бунинг учун журналистнинг фаол позицияси керак, холос.
Айтилишича, мавзу юзасидан ёритилаётган материалларнинг 80 фоиздан ортиғи хабар жанрида берилган. Таҳлилий материаллар кам. Ихтисослашув етишмайди. Шунинг учун ватанпарварлик мавзусини ёритишда телерадиоканаллар эфирга узатаётган кўрсатув ва эшиттиришлар ҳам танқидий кўриб чиқилди. Уларнинг сони ва савиясини ошириш бўйича мутахассислар билан фаол ҳамкорликни йўлга қўйиш таъминланди.
Ўз мухбиримиз
Ичимлик сув ва оқава сув хизматлари аҳоли саломатлиги, экологик барқарорлик ҳамда ҳудудларнинг барқарор ривожланишини таъминловчи стратегик соҳалардан бири ҳисобланади. Шу боис кейинги йилларда мазкур йўналишни такомиллаштириш давлат сиёсатининг устувор вазифалари қаторига қўйилди.
Батафсил
Куни кеча Жаҳон соғлиқни сақлаш ташкилоти мамлакатимиз ҳаёти, миллатимиз келажаги билан боғлиқ оғриқли бир маълумотни эълон қилди: Ўзбекистонда катта ёшли аҳолининг 64 фоизи ортиқча вазнга эга.
Батафсил
Кундалик харидлар учун супремаркетга кириб тураман. У ердаги бир ҳолат, сифати ёмонлашган мевалар, сабзавотларнинг ходимлар томонидан чиқиндига ташланаётганига кўп марта гувоҳ бўлганман.
Батафсил
Ичимлик сув ва оқава сув хизматлари аҳоли саломатлиги, экологик барқарорлик ҳамда ҳудудларнинг барқарор ривожланишини таъминловчи стратегик соҳалардан бири ҳисобланади. Шу боис кейинги йилларда мазкур йўналишни такомиллаштириш давлат сиёсатининг устувор вазифалари қаторига қўйилди.
Куни кеча Жаҳон соғлиқни сақлаш ташкилоти мамлакатимиз ҳаёти, миллатимиз келажаги билан боғлиқ оғриқли бир маълумотни эълон қилди: Ўзбекистонда катта ёшли аҳолининг 64 фоизи ортиқча вазнга эга.
Кундалик харидлар учун супремаркетга кириб тураман. У ердаги бир ҳолат, сифати ёмонлашган мевалар, сабзавотларнинг ходимлар томонидан чиқиндига ташланаётганига кўп марта гувоҳ бўлганман.
Қалбаки дори сотаётганларга жазо кучайтириляпти
Бугун экология оддий муҳокама мавзуси эмас, балки давлат сиёсатидаги энг муҳим йўналишлардан бирига айланди. Ўзбекистон Республикасида қабул қилинаётган стратегик ҳужжатлар буни яққол тасдиқлайди.
