2020 йил 1 январдан бошлаб, уй-жой қурилиши объектлари лойиҳа-қидирув ва қурилиш-монтаж ишларини бажариш босқичида энергия тежайдиган ускуналар билан мажбурий тартибда жиҳозланади. ​​​​​​​

Шунингдек, объектларни фойдаланишга қабул қилингунига қадар энергетик аудит паспортини олиш талаби ҳам қўйилади.

Яна бир янгилик шуки, эндиликда қурилиш соҳасидаги миллий норма ва талаблар қайтадан ишлаб чиқилиб, хорижий стандартларга мослаштирилади. Бу жараён 2019 — 2021 йиллар давомида босқичма-босқич амалга оширилади. Яъни, 2019 йилда 120 та, 2020 йилда 196 та, 2021 йилда 149 та, ҳаммаси бўлиб, ҳозирги кунда амалда бўлган 465 та қурилишдаги талаб ва қоидалар, техник регламентлар қайта кўриб чиқилади.

Ўзбекистон Президентининг қурилиш соҳасини давлат томонидан тартибга солишни такомиллаштириш борасидаги фармонида ушбу янгиликлар кўзда тутилган.