Жума
12-Сентябр 2025
Банк тизимидаги ислоҳотлар натижаси озми-кўпми одамлар ҳаётида акс этяпти. Нақд пул, пластик карта, валюта айирбошлаш кабилардаги муаммолар деярли барҳам топди. Банкка киришингиз билан яхши муомаладаги ходимлар тезкорликда ишингизни битириб беради ҳозир.
Кредит дейсизми, ҳисоб рақам очишми, омонатга пул қўйишми — ҳеч бири муаммосиз. Хуллас ўзгаришлар йўқ эмас. Энг муҳими банкда мижозга хизмат кўрсатаётган ходимларнинг дунёқараши янгиланмоқда.
Куни кеча Самарқандда ўтказилган «Энг иқтидорли ёш банк ходими» кўрик танловида ҳам бу яққол намоён бўлди. Замонавий билимга эга, мустақил фикрлайдиган ёш банкирлар ҳар томонлама ўзларини кўрсатишди.
Танлов Самарқанд вилояти ҳокимлиги, Ўзбекистон Республикаси Президенти ҳузуридаги давлат бошқаруви академияси, Марказий банкнинг Самарқанд вилояти Бош бошқармаси, вилоятдаги тижорат банклари, Ёшлар иттифоқи вилоят кенгаши ҳамда Республика давлат муассасалари ва жамоат хизмати ходимлари касаба уюшмаси Самарқанд шаҳар кенгаши ҳамкорлигида ташкил этилди.
Финалга қадар 30 ёшгача бўлган жами 242 нафар номзод танловнинг ички саралаш ҳамда онлайн тест каби бир нечта босқичида синовдан ўтди. Марказий банк ҳамда 18 та тижорат банкидан жами 19 нафар зукко ва билимли ёш ходим финалга йўлланма олди.
Финал беллашувлари қизғин кечди. Иштирокчилар банк тизимига оид меъёрий ҳужжатларга оид савол-жавоблардан тортиб нутқ, муомала, мусиқа асбоби чалиш, қўшиқ айтишу шеър ўқишгача иқтидорини кўрсатишди.
Биринчи ўринни Марказий банкнинг вилоят Бош бошқармаси ходими Беҳруз Худоёров эгаллади. Танлов Гран-присини эса «Asia alliance bank» АТБ Самарқанд филиали ходими Жаҳонгир Дўсбеков қўлга киритди.
Танлов финал босқичининг барча 19 нафар иштирокчиси Президент ҳузуридаги давлат бошқаруви академияси курсларида малака оширишади.
Булардан кўзланган мақсад Президентимиз томонидан илгари сурилган ёшлар маънавиятини юксалтириш ва уларнинг бўш вақтини мазмунли ташкил этиш бўйича бешта муҳим ташаббусда қўйилган мақсад ва вазифаларга эришишдир.
Суюн САФАРАЛИЕВ,
Марказий банкнинг Самарқанд вилояти Бош бошқармаси ходими
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Батафсил
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Батафсил
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
Батафсил
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
ЎЭП Наманган вилоят кенгаши томонидан «Ўзбекистон – 2030» стратегиясини амалга ошириш доирасида, «Атроф-муҳитни асраш ва «яшил» иқтисодиёт йили» Давлат дастури ижросини таъминлаш мақсадида жамоатчилик эшитуви ташкил этилди.
Жорий йил энг улуғ, энг азиз айёмимиз – мамлакатимиз мустақиллигининг ўттиз тўрт йиллиги «Ватан учун, миллат учун, халқ учун!» деган эзгу ғоя асосида кенг нишонланди.
