Ҳукуматнинг тегишли қарори (256-сон, 29.04.2021 йил) билан, 2021 йил учун давлат мактабгача таълим ташкилотларида болалар таъминоти учун ота-оналар тўлови миқдорлари тасдиқланди.

Унга кўра, 1 майдан бошлаб боғча учун тўловлар миқдори ўртача 15 фоизга кўтарилади.

Хўш, боғча учун тўлов миқдори нега оширилди?

Мактабгача таълим вазирлиги ахборот хизмати раҳбари Мавлуда Асқархўжаеванинг маълум қилишича, «2021 йил учун Ўзбекистон Республикасининг Давлат бюджети тўғрисида»ги қонунга асосан 2021 йилда истеъмол нархлари индекси 9-10 фоиз миқдорда бўлиши прогноз қилинган. Шунга кўра, қарорда давлат МТТларида болалар таъминоти учун ота-оналар тўлови миқдорларини 2021 йилнинг 1 майидан бошлаб ўртача 15 фоиз ошириш кўзда тутилган.

Ҳозирга қадар давлат МТТларига ота-оналар тўловидан тушган маблағлар тўлиқлигича болани овқатлантириш харажатларига йўналтириб келинмоқда.