Пайшанба
23-Июл 2026
Ўзбекистон Экологик партияси томонидан Қорақалпоғистон Республикаси, вилоятлар ва Тошкент шаҳридаги истироҳат боғларида тезкор экологик рейдлар ўтказилмоқда. Айтиш жоизки, кўп истироҳат боғларидаги аҳволни қониқарли деб бўлмайди. Боғлардаги қаровсиз қолган дарахтлар, уюлиб ётган чиқиндилар, сувсизликдан қовжираётган яшил олам бу ерга дам олиш учун келган ҳар қандай кишининг таъбини хира қилади.
Экологик партия томонидан жорий йилнинг 25 июнь куни пойтахтимиздаги Абдулла Қодирий номидаги маданият ва истироҳат боғи ҳолати ўрганилган эди. Ўшанда боғнинг қаровсиз аҳволдалиги, бу ердаги аксарият манзарали дарахт ва ўсимликлар ўз вақтида суғорилмагани оқибатида қуриб қолгани, бу жараён бошқа дарахт турларида энди бошланаётгани, янада ачинарлиси яқин йиллар давомида ўз кўрки ва чиройи билан кўпчиликни ўзига жалб қилган мазкур боғ бугунга келиб, ёнғин келиб чиқиши мумкин бўлган ташландиқ ҳудудга, чиқиндихонага айлангани ҳақида маълумот берилган эди.
Куни кеча ушбу истироҳат боғига борган Экопартия фаоллари ўтган вақт мобайнида бу ерда ҳеч нарса ўзгармаганига гувоҳ бўлишди. Афсуски, бу аянчли ҳолатга на Тошкент шаҳар ҳокимлиги, на бошқа мутасадди идоралар муносабат билдиришган.
Қаровсизликдан пойтахт марказидаги ушбу боғ ҳақиқатда ташландиқ бир қиёфага келиб қолган. Бу ердаги савдо ва хизмат кўрсатиш объектлари аҳволи ҳам ниҳоятда ачинарли. Боғ ҳудудида чиқинди уюмлари тўпланиб ётганини, узоқ вақтдан буён суғорилмагани оқибатида дарахтларнинг қуриб бораётганини кўриш мумкин. Ёзнинг жазирамасида қовжираган ўт-ўланлар, қуриган дарахт ва буталарда тўсатдан ёнғин келиб чиқмаслигига эса ҳеч ким кафолат бера олмайди?
Наҳотки пойтахт марказидаги Абдулла Қодирий номидаги маданият ва истироҳат боғининг абгор аҳволи бирор бир мутасаддини безовта қилмаса?!.
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Батафсил
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Батафсил
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Батафсил
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Ўзбекистон шароитида экологик вазият барқарорлигини таъминлашда яшил ресурслар ўзига хос салмоқли ўринга эга. Шу боис давлат ўрмон фондига кирмайдиган дарахт ва буталардан фойдаланиш масаласига ҳуқуқий жиҳатдан кенг эътибор берилмоқда.
Кўзларимни юмиб, хаёлан ортга – болалик йилларимга қайтаман. Сурхон воҳасининг қиру адирлари, тошдан тошга сакраб юрган қирғовуллар, шилдираб оқаётган зилол булоқлар. Ва улар орасида менга ҳамиша болалигимни эслатиб турадиган бир ҳид бор: кавракнинг ўзига хос ўткир ифори. Бу ҳид ҳозир ҳам хаёлларимда жонланганда, тоғ гулларининг иси билан аралашиб димоғимга урилади.
