Шанба
06-Июн 2026
Ўрмон хўжалиги фондига киритилмаган, аҳоли яшаш жойлари, ҳовлиларида ўсиб турган кўп йиллик дарахтлар мавжуд. Улардан айримларининг ёши ҳатто юздан ошади. Бундай дарахтлар ота-боболардан қолган мерос сифатида асраб авайланади албатта. Бироқ қаровсиз қолган, эътиборга муҳтож бўлиб турган «нуроний» дарахтлар ҳам йўқ эмас.
Ўзбекистон Экологик партияси Навоий вилоят кенгаши ходимлари ана шундай бир асрлик дарахтлар муҳофазасини ўз зиммасига олмоқда. Ҳудудларда мавжуд кўп йиллик дарахтларни аниқлаб, уларнинг атрофини тозалаб, ҳимоясини таъминламоқда.
Ҳозиргача Навбаҳор тумани «Ғужбоғтепа» маҳалла фуқаролар йиғини Сўғдиёна кўчасидаги бир неча асрлик тут ҳамда Адолат кўчасидаги кўп йиллик чинор Экопартия ҳимоясига олинди.
– Қайнотам раҳматли бу тутни отасининг отаси экканини айтар эди, – дейди маҳаллада яшовчи фуқаролардан бири. – Қайнотамнинг ўзи ҳаёт бўлганида ҳозир 98 ёшга кирарди, бу эса дарахтнинг 100 ёшдан ошганини билдиради. Биз уни ҳеч қачон кесиш ҳақида ўйламаганмиз, аксинча атрофини тозалаб, чиройли шакл бериб келганмиз. Тутнинг мевасидан узоқ йиллардан бери болалар истеъмол қилади, ёши катталар эса соясидан баҳра олгани келади. Бу кекса дарахт маҳалламизнинг бир қисмига айланиб қолган.
Экопартия ходимлари дарахтни ҳимояга олибгина қолмай, мутахассисларни жалб этиб мунтазам равишда унинг ўсиши, ривожланиши, ҳолати қандай эканини кузатиб боришади. Маҳаллий аҳоли вакиллари бу борада уларга кўмакдош бўлишмоқда.
Шунингдек, Навбаҳор тумани «Юқори Бешработ» маҳалла фуқаролар йиғини Ойдинкўл кўчаси «Дўстмурод ота» қабристони олдидаги бир неча асрлик тут дарахти ҳам оқланди. Атрофи чиқиндилардан тозаланди ва Ўзбекистон Экологик партияси муҳофазасига олинди. Маҳалла раисининг сўзларига кўра, тут анча қадимий бўлиб, унинг тарихини ҳеч ким билмайди. Маҳалланинг ёши улуғ кишилари айтишича, шу тепаликда бундан бошқа яна беш-олтита катта дарахтлар ҳам бўлган, аммо қаровсизликдан қуриб қолган экан.
Ҳа, дарахтлар ана шундай муҳофазага олинса, кун келиб бизда ҳам минг йиллик дарахтлар сони ортади. Бу ўз навбатида ёшлар қалбида ўсимлик ва дарахтларни асраш туйғусини шакллантиришга хизмат қилса ажаб эмас.
Ўзбекистон Экологик партияси
Навоий вилоят кенгаши
матбуот хизмати
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Батафсил
Бугунги кунда Ўзбекистон боғдорчилигида «функционал озиқ-овқат» яратиш даври бошланди. Энди боғбонларимиз меванинг йириклиги билан бир қаторда унинг таркибидаги инсон саломатлиги учун фойдали моддалар миқдорини ошириш устида ҳам изланиш олиб бормоқдалар.
Батафсил
Бугун ҳудудларда экологик барқарорликни таъминлаш, аҳолининг яшаш шароитларини яхшилаш ҳамда санитария ва ободонлаштириш ишларини тизимли ташкил этиш давлат сиёсатининг муҳим йўналишларидан бири бўлиб қолмоқда.
Батафсил
Тасаввур қилинг: тонг отмоқда, қуёш нурлари юртимизнинг бепоён кенгликларини ёритмоқда. Сиз фарзандингиз билан маҳалла четидаги ариқ бўйига сайрга чиқдингиз. Лекин кўзингиз тиниқ сувга эмас, балки ариқ ичига ташланган турли чиқиндилар, қурилиш материаллари бўлаклари, шамолда учаётган полиэтилен пакетларга тушади.
Бугунги кунда Ўзбекистон боғдорчилигида «функционал озиқ-овқат» яратиш даври бошланди. Энди боғбонларимиз меванинг йириклиги билан бир қаторда унинг таркибидаги инсон саломатлиги учун фойдали моддалар миқдорини ошириш устида ҳам изланиш олиб бормоқдалар.
Бугун ҳудудларда экологик барқарорликни таъминлаш, аҳолининг яшаш шароитларини яхшилаш ҳамда санитария ва ободонлаштириш ишларини тизимли ташкил этиш давлат сиёсатининг муҳим йўналишларидан бири бўлиб қолмоқда.
Мушукнинг ёнингизда ётиб, майин ва бир маромда «хурр-хурр» овоз чиқариши кўпчиликка ёқимли туюлади. Бу ҳолат кўпинча унинг xурсанд ва хотиржам эканидан дарак беради, деб ўйлаймиз. Аммо аслида мушукларнинг хуриллаши оддийгина ҳиссиёт ифодаси эмас, балки мураккаб табиий жараён ҳисобланади.
Яқинда Янгиобод эски бозоридан кичкинагина қутича сотиб олдим. Кўринишидан совғалар учун тайёрланган, сомон ёки бошқа табиий материалдан тўқилган. Иш столимга олиб келиб қўйгандим, бир ҳамкасбимиз кўриб, канопдан тайёрланганини айтиб қолди. Ҳаммаси шундан бошланди. Каноп ўсимлиги, ундан фойдаланиш мавзуси хаёлимдан кетмади.
