Етти кун      Бош саҳифа

«Ўзбекистон журналистикаси энциклопедияси» яратилади

Журналистик атамаларни, терминларни, газета ва журналлар ҳақидаги маълумотларни жамлаш мақсадида Ўзбекистон журналистлари ижодий уюшмаси ҳамда Журналистика ва оммавий коммуникациялар университети ҳамкорлигида «Ўзбекистон журналистикаси энциклопедияси»ни яратиш режалаштирилмоқда. Бу ҳақида Миллий матбуот марказида ўтказилган давра суҳбатида айтиб ўтилди.

«Ўзбекистон  журналистикаси энциклопедияси» яратилади

– МДҲнинг аксарият  мамлакатларида журналистика энциклопедияси нашр этилган. Бироқ, миллий журналистикамиз узоқ тарихга эга бўлса-да, ҳанузгача журналистикамизга оид миллий энциклопедия яратилмаган, – дейди Ўзбекистон журналистлари ижодий уюшмаси раиси Олимжон Ўсаров. – Ўйлайманки, бугун юртимизда очиқлик, шаффофлик давлат сиёсати даражасида кўтарилаётган бир вақтда Ўзбекистон журналистикаси энциклопедиясини яратишни даврнинг ўзи талаб этмоқда. Соҳамизга оид ушбу энциклопедия Журналистлар ижодий уюшмаси томонидан Ўзбекистон Журналистика ва оммавий коммуникациялар университети билан ҳамкорликда олимлар, ўқитувчилар, оммавий ахборот воситалари ходимлари, тадқиқотчилар иштирокида яратилади.

Ўзбекистон Журналистика ва оммавий коммуникациялар университети ректори Шерзодхон Қудратхўжанинг таъкидлашича, мамлакатимизда журналистика ривожига эътибор кучайган бугунги кунда шундай қомусий нашр яратиш жуда муҳим. Доимий иш олиб борадиган ишчи гуруҳи, доимий таҳрир ҳайъати тузиш лозим. Айни пайтда юқори сифат ва савияда тайёрланиши керак бўлган мазкур энциклопедия ҳар бир  таҳририятда, оммавий ахборот воситалари ходимлари тайёрлашга ихтисослашган олий ўқув юртларида, кутубхоналарда турадиган мукаммал нашр бўлмоғи керак. Муҳими, бу тижорий лойиҳа эмас. Бу нашр миллий журналистикамизни тўлақонли акс эттириш, давр руҳини ифодалаш учун ҳам долзарб лойиҳадир.

Мазкур йирик лойиҳа юзасидан медиа соҳасидаги таниқли журналистлар, олимлар, профессор-ўқитувчилар журналистик терминлар, йўналиш ва мавзуларга, техник жиҳатларга эътибор қаратиш муҳимлиги, энциклопедия катта масъулият билан, келгусида кўп йиллар давомида хизмат қилишга арзирли бўлиши кераклиги ҳақида ўз фикр-мулоҳазаларини билдиришди.

Мазкур нашр билан боғлиқ ишларни йил охиригача якунлаб, декабрь ойининг сўнгигача босмахонага топшириш, келгуси йил Жаҳон матбуот эркинлиги кунида нашрдан чиқариш ҳақида келишиб олинди.

 

Мансурбек ЖАББОРОВ,

«Оила ва табиат» мухбири




Ўхшаш мақолалар

Мурожаатда кўтарилган  муаммоларга ечим излаб…

Мурожаатда кўтарилган муаммоларга ечим излаб…

🕔15:40, 12.11.2026 ✔59

Аҳолини ташвишлантираётган муаммоларни бевосита жойига чиқиб ўрганиш ва уларга оқилона ечим топиш депутатлик фаолиятининг бош мезони ҳисобланади.

Батафсил
Ҳамжиҳатлик меваси

Ҳамжиҳатлик меваси

🕔15:39, 12.11.2026 ✔54

Мамлакатимизда кенг қулоч ёзган «Яшил макон» умуммиллий лойиҳаси атроф-муҳит муҳофазасини таъминлаш, экологик мувозанатни қайта тиклаш ҳамда аҳоли орасида табиатга нисбатан меҳр ва масъулият туйғусини янада кучайтиришда муҳим аҳамият касб этмоқда.

Батафсил
Қўнғиротда  минг туп кўчат экилди

Қўнғиротда минг туп кўчат экилди

🕔15:39, 12.11.2026 ✔55

Умуммиллий лойиҳа доирасида Қорақалпоғистон Республикасининг Қўнғирот туманида навбатдаги эко-акция ўтказилди.

Батафсил
Ҳаммасино кўриш

Сонларни танлаш

Пайшанба, 30-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 19 18 17
16 15 14 11 10 9 8
7 6 5 4 3 2 1

Ҳаммасини кўриш 

Кўп ўқилганлар

  • Мурожаатда кўтарилган  муаммоларга ечим излаб…

    Мурожаатда кўтарилган муаммоларга ечим излаб…

    Аҳолини ташвишлантираётган муаммоларни бевосита жойига чиқиб ўрганиш ва уларга оқилона ечим топиш депутатлик фаолиятининг бош мезони ҳисобланади.

    ✔ 59    🕔 15:40, 12.11.2026
  • Ҳамжиҳатлик меваси

    Ҳамжиҳатлик меваси

    Мамлакатимизда кенг қулоч ёзган «Яшил макон» умуммиллий лойиҳаси атроф-муҳит муҳофазасини таъминлаш, экологик мувозанатни қайта тиклаш ҳамда аҳоли орасида табиатга нисбатан меҳр ва масъулият туйғусини янада кучайтиришда муҳим аҳамият касб этмоқда.

    ✔ 54    🕔 15:39, 12.11.2026
  • Қўнғиротда  минг туп кўчат экилди

    Қўнғиротда минг туп кўчат экилди

    Умуммиллий лойиҳа доирасида Қорақалпоғистон Республикасининг Қўнғирот туманида навбатдаги эко-акция ўтказилди.

    ✔ 55    🕔 15:39, 12.11.2026
  • Йўлимиз  тозалиги учун!

    Йўлимиз тозалиги учун!

    Ўсиб келаётган ёш авлод ўртасида экологик маданиятни юксалтириш, атроф-муҳитга масъулиятли муносабатда бўлиш кўникмаларини шакллантириш бугунги даврнинг энг долзарб вазифаларидан.

    ✔ 57    🕔 15:37, 12.11.2026
  • Пешкудаги чиқинди полигони  ҳамон  хавфлими?

    Пешкудаги чиқинди полигони ҳамон хавфлими?

    Экопартиянинг Пешку туман кенгаши ҳамда маҳаллий Кенгаш депутатлари фаолияти тўхтатилган чиқинди полигони ҳудудида навбатдаги жамоатчилик ўрганишини ўтказди.

    ✔ 57    🕔 15:36, 12.11.2026
Ҳаммасини кўриш 

Фойдали манбаалар