Чоршанба
17-Декабр 2025
Бугун туғилган одамлар ҳаётлари давомида бобоси ва бувиларига қараганда бир неча баравар кўпроқ иссиқлик тўлқинлари ва бошқа иқлим офатларига дучор бўлишади. Буни янги тадқиқот натижалари тасдиқлайди.
«The Guardian» нашрининг таъкидлашича, бу турли ёш гуруҳлари иқлимнинг кескин ўзгариши натижасида нималарга дуч келишини баҳолашга қаратилган биринчи тадқиқотдир.
Тадқиқот муаллифларининг таъкидлашича, 2020 йилда туғилган чақалоқ, ҳатто мамлакатлар иссиқхона газлари чиқиндиларини камайтириш бўйича жорий мажбуриятларини бажарса ҳам, ўз ҳаёти давомида ўртача ўттиз марта экстремал иссиқ ҳароратни бошдан кечиради. Бу 1960 йилда туғилганларга нисбатан етти баробар кўп деганидир.
Бугунги болалар улғайгач ҳозир 60 ёшга тўлган кишиларга қараганда сайёрамизда қурғоқчилик ва ўрмон ёнғинларига икки баравар кўп, дарё тошқини ва қишлоқ хўжалиги ҳосили етишмовчилигига уч баробар кўп юзма-юз келишади.
Бироқ мутахассисларнинг таъкидлашича, глобал исишни 1,5 °C даражасида ушлаб туриш учун глобал чиқиндиларни тез камайтириш бугунги кунда фарзандларимиз дуч келиши муқаррар бўлган иссиқ ҳарорат тўлқинларини деярли икки бараварга камайтиради. Агар исиш 2 °C дан ошмаса, хавфли иссиқлик тўлқинларининг сони чорак даражада камаяди.
«Science» журналида чоп этилган тадқиқот натижалари мураккаб компьютер иқлими моделлари бўйича экстремал ҳодисалар прогнозларини, аҳоли ва ўртача умр кўриш ҳақидаги батафсил маълумотларни ҳамда Иқлим ўзгариши бўйича ҳукуматлараро панелнинг (IPCC) глобал ҳарорат кўтарилиш траекторияларини бирлаштирган.
Олимларнинг қайд этишича, ҳозирги ёшлар учун иқлим ўзгаришининг салбий таъсири кўлами етарлича баҳоланмаган, чунки йил давомида бир нечта экстремал ҳодисалар бир жойга тўпланмаган ва уларнинг юқори интенсивлиги ҳисобга олинмаган.
Таҳлил натижалари минтақалар бўйича сезиларли даражада фарқ қилади. Масалан, 2016 йилдан 2020 йилгача Европа ва Марказий Осиёда туғилган 53 миллион бола ўз ҳаёти давомида тахминан тўрт баравар кўпроқ экстремал ҳодисаларни бошдан кечиради. Шу билан бирга, Африканинг Саҳрои Кабирдан жанубида жойлашган 172 миллион ўша ёшдаги болалар кекса авлод вакилларига қараганда 5,7 баробар кўпроқ экстремал об-ҳаво ҳодисаларига дуч келишади.
«Бу глобал иқлим ўзгаришининг жанубдаги ёш авлод учун номутаносиб равишда оғир бўлишини исботлайди», дейди тадқиқотчилар.
Интернет манбалари асосида тайёрланди.
Олий Мажлис Қонунчилик палатаси депутатларининг жойларда аҳоли билан мулоқот қилиши, муаммоларини ўрганиши ва тизимли ҳал этиш йўлидаги саъй-ҳаракатлари ижтимоий-иқтисодий дастурлар ижроси юзасидан жамоатчилик назоратини ўрнатиш ҳамда халқ манфаати ва фаровонлигини янада оширишга хизмат қилади.
Батафсил
Президент ҳузурида экологик барқарорлик ва қиш мавсумига тайёргарлик масалалари муҳокама қилинди
Батафсил
Ўзбекистон Президенти Шавкат Мирзиёевнинг ташаббуси билан 2023 йил апрелда умумхалқ референдуми асосида Янги Ўзбекистоннинг янгиланган Конституцияси қабул қилинган эди.
Батафсил
Олий Мажлис Қонунчилик палатаси депутатларининг жойларда аҳоли билан мулоқот қилиши, муаммоларини ўрганиши ва тизимли ҳал этиш йўлидаги саъй-ҳаракатлари ижтимоий-иқтисодий дастурлар ижроси юзасидан жамоатчилик назоратини ўрнатиш ҳамда халқ манфаати ва фаровонлигини янада оширишга хизмат қилади.
Президент ҳузурида экологик барқарорлик ва қиш мавсумига тайёргарлик масалалари муҳокама қилинди
Ўзбекистон Президенти Шавкат Мирзиёевнинг ташаббуси билан 2023 йил апрелда умумхалқ референдуми асосида Янги Ўзбекистоннинг янгиланган Конституцияси қабул қилинган эди.
Айни кунларда жамоатчиликнинг пойтахтдаги ҳаво сифати, унинг одамлар саломатлиги ва ҳаётига таъсири бўйича хавотирлари ортиб, муҳокамаларга сабаб бўляпти. Куни кеча Ўзбекистон Экология ва иқлим ўзгариши миллий қўмитаси Тошкент шаҳрида ҳаво ифлосланишининг сабаблари ва таркиби, шунингдек, вазиятни яхшилаш режалари тўғрисидаги маълумотларни тақдим этди.
Кеча Олий Мажлис Қонунчилик палатасининг навбатдаги мажлиси бўлиб ўтди. Анъанага кўра, аввало фракцияларда муҳокама қилинган қонун лойиҳалари мажлисда яна бир бор атрофлича кўриб чиқилди, зарур нормалар мустаҳкамланди.
