Жума
12-Сентябр 2025
Депутатлар мазкур меъёр белгиланаётган қонун лойиҳасини муҳокама қилдилар
Мамлакатимизда дарахтларни кесишга мораторий эълон қилинганига қарамасдан аёвсиз ва сабабсиз кесиш ҳолатлари ҳамон учраб турибди. Қолаверса, жорий қилинган жарима ва жазо чоралари ҳам кутилган самарани бермаяпти. Кунда-кунора юртимизнинг қай бир ҳудудидан катта-катта, азим дарахтларнинг умрига зомин бўлингани ҳақидаги хабарларни эшитиб қоляпмиз. Аммо эндиликда бундай қилмиш учун жазо ҳам, сўров ҳам қаттиқ бўлади. Қонунчиликда бирор бир дарахтни ноқонуний кесганлик учун жазо чораларини кескин кучайтириш бўйича лойиҳа ишлаб чиқилган.
Куни кеча Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида «Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида»ги қонун лойиҳасининг биринчи ўқиши муҳокама этилди.
Қонун лойиҳаси билан дарахт ва буталарни, бошқа ўсимликларни ва ниҳолларни қонунга хилоф равишда кесганлик, кундаков қилганлик, шикастлантирганлик, йўқ қилганлик ёки бошқа жойга кўчириб ўтқазганлик учун жавобгарликни кучайтириш белгиланмоқда.
Бундан ташқари қонун лойиҳасида дарахт ва буталарнинг қимматбаҳо навларини кесиш, кундаков қилиш, шикастлантириш ёки йўқ қилинишига олиб келиши мумкин бўлган ёки олиб келган қурилиш лойиҳа ҳужжатларини тайёрлаганлик учун ҳам жавобгарлик назарда тутилмоқда.
Хусусан, фуқароларга базавий ҳисоблаш миқдорининг 10 бараваридан 15 бараваригача (амалда 5-10 баравар), мансабдорлар учун 20 бараваригача (амалда 10-15 баравар) миқдорда жарима солиш белгиланиши назарда тутилган.
Агар дарахт кесиш ҳаракати фуқаро ёки мансабдорлар томонидан бир йил давомида такрор содир этилса, жарималар янада оширилади. Ҳатто уларга 15 суткагача маъмурий қамоққа олиш чоралари қўлланилиши белгиланмоқда.
Муҳокамалар жараёнида фракция аъзолари партия дастурий вазифаларидан келиб чиқиб, қонун лойиҳасини такомиллаштириш юзасидан тегишли таклиф ва мулоҳазалар билдирди ва уни қўллаб-қувватлади.
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Батафсил
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Батафсил
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
Батафсил
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
ЎЭП Наманган вилоят кенгаши томонидан «Ўзбекистон – 2030» стратегиясини амалга ошириш доирасида, «Атроф-муҳитни асраш ва «яшил» иқтисодиёт йили» Давлат дастури ижросини таъминлаш мақсадида жамоатчилик эшитуви ташкил этилди.
Жорий йил энг улуғ, энг азиз айёмимиз – мамлакатимиз мустақиллигининг ўттиз тўрт йиллиги «Ватан учун, миллат учун, халқ учун!» деган эзгу ғоя асосида кенг нишонланди.
