Пайшанба
23-Июл 2026
Юртимизда бир асрдан ошиқ яшаган дарахтларга табиат ёдгорлиги мақоми берилиши ташаббуси ортидан минглаб азим дарахтлар хатловдан ўтказилиб, муҳофазага олинмоқда.
Қорақалпоғистон Республикаси Чимбой туманидаги «Гужимли» ОФЙдаги 8 туп қайроғоч дарахти ҳам бир ярим асрга тенгдош ҳисобланади. Куни кеча ушбу дарахтлар ёнида илмий-амалий семинар ўтказилди.
Семинар давомида Чимбой туманида яшовчи кекса ёшдаги Отебай Баўетдинов ушбу дарахтларнинг тарихи билан яқиндан таништирди.
Дарахтлар 1878 йили «Асқарбай боғи»да Хожамурат Матмуратов томонидан экилган. Ҳозиргача овул аҳолиси томонидан боболаримиздан қолган мерос ва ёрқин хотира сифатида кўз қорачиғидек асраб-авайлаб парвариш қилиб келинмоқда.
Мазкур дарахт турининг биологик хусусиятларига тўхталадиган бўлсак, қайроғоч барг ёзишдан олдин гуллайди, шамол ёрдамида чангланади. Илдизи ўқилдиз бўлиб, дастлабки йилларда яхши ривожланмайди, сўнг тез ривожланиб ерга чуқур киради ва бақувват илдиз тизимини ҳосил қилади.
Қайроғоч тўнкасидан яхши кўкаради. Айрим турлари илдизидан бачкилайди. Ёғочи ўзакли, қаттиқ пишиқ, эгилувчан бўлиб, чиримайди ва тез ёрилмайди.
Бу дарахтлар табиатнинг ноёб дурдоналари сифатида давлат муҳофазасига олинди.
Қорақалпоғистон Республикаси
Экология қўмитаси матбуот хизмати
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Батафсил
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Батафсил
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Батафсил
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Ўзбекистон шароитида экологик вазият барқарорлигини таъминлашда яшил ресурслар ўзига хос салмоқли ўринга эга. Шу боис давлат ўрмон фондига кирмайдиган дарахт ва буталардан фойдаланиш масаласига ҳуқуқий жиҳатдан кенг эътибор берилмоқда.
Кўзларимни юмиб, хаёлан ортга – болалик йилларимга қайтаман. Сурхон воҳасининг қиру адирлари, тошдан тошга сакраб юрган қирғовуллар, шилдираб оқаётган зилол булоқлар. Ва улар орасида менга ҳамиша болалигимни эслатиб турадиган бир ҳид бор: кавракнинг ўзига хос ўткир ифори. Бу ҳид ҳозир ҳам хаёлларимда жонланганда, тоғ гулларининг иси билан аралашиб димоғимга урилади.
