Жума
12-Сентябр 2025
Экология оғирлашиб, ресурслар камайиб бораётган, аҳоли сони ошиб, индустрия ривожланаётган шиддатли даврда яшаяпмиз. Aйниқса, кейинги пайтларда энергия ва ресурслар тақчиллиги бутун дунё мамлакатлари қатори бизда ҳам намоён бўлмоқда.
Ҳукуматимиз томонидан аҳолимизни иқлим ўзгариши шароитида самарали, ресурстежамкор ва экологик хавфсиз барқарор энергия билан таъминлаш борасида турли чоралар кўриб борилаётгани барчамизга аён.
Хусусан, республикамизда қайта тикланувчи энергия манбаларини 2030 йилга бориб электр энергиясини ишлаб чиқариш умумий ҳажмининг 25 фоизидан ортиққа етказиш, ишлаб чиқариш корхоналарида энергия тежайдиган технологияларни жорий этиш бўйича ишлар жадаллаштирилмоқда.
Шу ўринда, ўсиб бораётган аҳолимиз эҳтиёжларини қоплаш, иқтисодиётимизни ривожлантириш, янгидан барпо этилган тузилмаларнинг узлуксиз ишлаши учун асосий энергия манбаи ҳисобланган табиий газга бўлган талабни қондириш борасида қўшни давлатлар билан мавжуд газ транспорт тизимидан самарали фойдаланиш юзасидан Энергетика вазирлиги томонидан олиб борилаётган ишларни қўллаб-қувватлаймиз.
Aлбатта, биз ишонамизки газ транспорт тизими Ўзбекистон бойлиги ва ўта муҳим активи сифатида кўп йиллар келажак авлодлар учун ҳам хизмат қилади, бунга шубҳа йўқ. Ҳукумат ҳам бу оддий ҳақиқатни теран англашига аминмиз.
Ижтимоий тармоқларда кўрилаётган чораларнинг асл моҳиятини тўлиқ англамасдан, шошма-шошарлик билан фикр билдираётганларни, теран ўйлаган ҳолда фикр юритишга ва масалани тўғри талқин қилишга чақирамиз.
Ўзбекистон Экологик партияси Ҳукуматимизнинг барқарор энергия билан таъминлаш борасида юқоридаги танловини қўллаб-қувватлаш баробарида қайта тикланувчи энергия соҳасини янада ривожлантириш, қонунчиликни такомиллаштиришга этибор қаратамиз, жойларда амалга оширилаётган ва режалаштирилган ишлар юзасидан жамоатчилик назоратини кучайтирамиз.
Aбдушукур ҲАМЗАЕВ,
ЎЭП Марказий Кенгаши
Ижроия қўмитаси раиси
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Батафсил
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Батафсил
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
Батафсил
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
ЎЭП Наманган вилоят кенгаши томонидан «Ўзбекистон – 2030» стратегиясини амалга ошириш доирасида, «Атроф-муҳитни асраш ва «яшил» иқтисодиёт йили» Давлат дастури ижросини таъминлаш мақсадида жамоатчилик эшитуви ташкил этилди.
Жорий йил энг улуғ, энг азиз айёмимиз – мамлакатимиз мустақиллигининг ўттиз тўрт йиллиги «Ватан учун, миллат учун, халқ учун!» деган эзгу ғоя асосида кенг нишонланди.
