Жума
12-Сентябр 2025
Айни кунларда юртимизда, халқимиз ҳаётида ижобий ўзгаришлар, туб бурилишлар, ислоҳотлар амалга оширилмоқда. Халқимизнинг талаб-истаклари, хоҳиш-иродасини эътиборга олган ҳолда Ўзбекистон Республикаси Конституциясига ўзгартириш киритиш бўйича референдум ўтказишга катта тайёргарлик кўрилмоқда.
Бу жараёнда барча аҳоли қатлами вакиллари фаол иштирок этишмоқда, десак хато бўлмайди. Зеро, асосий қонунимизга киритиладиган ўзгартиришлар орқали ҳамюртларимизнинг турмуш фаровонлигини яхшилаш, ҳаёт даражаси, сифатини ошириш, аҳолининг саломатлигини мустаҳкамлаш, ҳар томонлама имкониятлар, шароитлар яратиш мақсад қилинган.
Таъкидлаш жоизки, «Ўзбекистон Республикаси Конституциясига ўзгартириш ва қўшимчалар киритиш тўғрисида»ги Ўзбекистон Республикаси Конституциявий Қонуни лойиҳаси бўйича Бош қомусимизнинг 64 та моддасига 200 дан ортиқ ўзгартириш ва қўшимчалар, 16 та нормани ўз ичига олган 6 та янги модда қўшиш таклиф этилмоқда.
Мазкур жараёнга юртимизда яшаётган ҳеч бир фуқаро бефарқ эмаслиги намоён бўлмоқда.
Партия фаоллари, экспертлар иштирокида маҳаллаларда ўтказилаётган учрашув ва давра суҳбатларида ҳам бу ўз ифодасини топяпти, бу жараёнда юртдошларимиз дахлдорлигини баралла айтишмоқда.
Айниқса, Бош қомусимизга экологик масалалар, аҳолининг бу борадаги ҳуқуқларини таъминлаш бўйича киритилаётган ўзгартиришларга аҳоли бефарқ эмас. Атроф муҳит муҳофазаси, экологик муаммоларни бартараф этиш бўйича пухта ўйланган режа ва мақсадлар, табиатдаги глобал иқлим ўзгаришлари, Орол денгизининг қуриши билан боғлиқ вазиятнинг тобора кескин тус олаётганлигини назарда тутган ҳолда экологик хавфсизлик йўналишига доир ҳуқуқий нормаларни мустаҳкамлаш бўйича таклифлар билдирилмоқда.
«Давлат фуқароларнинг экологик ҳуқуқларини таъминлаш ва атроф-муҳитга зарарли таъсир кўрсатилишига йўл қўймаслик мақсадида шаҳарсозлик фаолияти соҳасида жамоатчилик назоратини амалга ошириш учун шарт-шароитлар яратади», деган норманинг киритилаётгани она табиатни асрашда барчанинг бирдек фаол иштирок этишини таъминлайди.
Конституциямизга ўзгартиришлар киритишда экологик барқарорликни таъминлаш, бу орқали аҳолининг яшаш тарзига экологик маданиятни ҳам чуқур сингдириш мақсад қилинган. Чунки табиат, экология аввало инсон саломатлиги ва унинг узоқ умр кечиришида муҳим аҳамиятга эгадир.
Мамлакатимизда олиб борилаётган ушбу ислоҳотлар чин маънода ҳаётий заруратдир. Зеро, мамлакатимизнинг ҳар томонлама равнақ топишида, одамларимизнинг бахтиёр яшашида Конституция бош дастуриламал бўлиб хизмат қилиши керак
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Батафсил
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Батафсил
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
Батафсил
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
ЎЭП Наманган вилоят кенгаши томонидан «Ўзбекистон – 2030» стратегиясини амалга ошириш доирасида, «Атроф-муҳитни асраш ва «яшил» иқтисодиёт йили» Давлат дастури ижросини таъминлаш мақсадида жамоатчилик эшитуви ташкил этилди.
Жорий йил энг улуғ, энг азиз айёмимиз – мамлакатимиз мустақиллигининг ўттиз тўрт йиллиги «Ватан учун, миллат учун, халқ учун!» деган эзгу ғоя асосида кенг нишонланди.
