Пайшанба
23-Июл 2026
Дарахтларни кесишга қарши бугун қонунчилигимизда катта жазо ва жарималар белгиланган. Шу билан бирга дарахткушлар кенг жамоатчиликнинг қаҳр-ғазабига, нафратига дучор бўлаётгани сир эмас.
Сурхондарё вилоятининг Узун туманида туман ҳокими томонидан ноинсоф тадбиркорга фойдаланиш учун берилган маданият ва истироҳат масканида 2019 йилда боғ ҳудудидаги 80 фоиздан ортиқ йирик, кўп йиллик дарахтлар кесиб ташлагани, 2022 йилда боғнинг қолган 20 фоизини ҳам қуритиш мақсадида кўп йиллик дарахтлар танаси кесиб кетилгани ҳақида Ўзбекистон Экологик партиясининг ижтимоий тармоқлардаги саҳифаларида мақола эълон қилинган эди.
Шундан сўнг кенг жамоатчилик, ижтимоий тармоқ фаоллари ушбу ҳолатга эътибор қаратишди. Экопартиянинг ҳаракатини қўллаб-қувватлаб, келгусида яна шундай ҳолатларнинг олдини олиш учун таклифларини билдиришди. Экопартиянинг барча кучлари, депутатлик гуруҳлари эътиборини дарахтларни асрашга қаратиш, назоратни кучайтириш бўйича фикрлар айтишди.
Куни кеча Ўзбекистон Экологик партиясининг Қонунчилик палатасидаги фракцияси аъзоси, Қонунчилик палатаси депутати Камол Жуманиёзов томонидан Ўзбекистон Республикаси ҳукумати – Вазирлар Маҳкамасига депутат сўрови юборилди. Унда дарахтларни ноқонуний кесиш, уларга зарар етказиш билан боғлиқ аксарият ҳолатлар тадбиркорлик субъектларига берилган истироҳат боғларида, уларга тааллуқли ер майдонларида содир этилаётганлиги айтилади.
– Шундан келиб чиқиб, депутат сўровида «Парламент назорати тўғрисида»ги Ўзбекистон Республикаси Қонунининг 15-моддасига мувофиқ, барча истироҳат боғларни тадбиркорлик субъектларга беришда назоратни кучайтириш, тадбиркорларга берилган боғлардаги дарахтларни сақланганлигини таъминлаш юзасидан чора-тадбирларни кучайтириш айтилган, – дейди Қонунчилик палатаси депутати Камол Жуманиёзов.
Шу ўринда Ўзбекистон Экологик партияси мамлакатимизда экологик хавфсизликни таъминлаш, дарахтларни асраб-авайлаш, жониворларга меҳр кўрсатиш каби муҳим масалаларда фаоллик кўрсатаётган жамоатчилик вакилларига алоҳида миннатдорлик билдиради. Партия ўз фуқаролик позициясига эга, экологик барқарорлик учун жонкуяр ва фаол инсонларни ҳамиша қўллаб-қувватлайди.
XXI аср инсоният тарихида технологик тараққиётнинг энг юқори чўққиси сифатида тан олинмоқда. Олимлар сунъий интеллект яратмоқда, генларни таҳрирлаш технологияларини такомиллаштирмоқда, ҳатто Марс сайёрасини ўзлаштириш лойиҳалари устида иш олиб борилмоқда.
Батафсил
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Батафсил
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Батафсил
XXI аср инсоният тарихида технологик тараққиётнинг энг юқори чўққиси сифатида тан олинмоқда. Олимлар сунъий интеллект яратмоқда, генларни таҳрирлаш технологияларини такомиллаштирмоқда, ҳатто Марс сайёрасини ўзлаштириш лойиҳалари устида иш олиб борилмоқда.
Табиат – инсонга мерос эмас, балки келажак авлодлардан олинган омонат. Шу боис биологик хилма-хилликни сақлаш, йўқолиб кетиш хавфи остида турган ҳайвонот турларини муҳофаза қилиш ҳар бир давлатнинг устувор вазифаларидан бири ҳисобланади.
Тошкент шаҳрида жамоат транспорти ҳаракатини яхшилаш, тирбандликларни камайтириш ва автобуслар ҳаракатини тезлаштириш мақсадида алоҳида BRT йўлакларининг ташкил этилгани муҳим ва ижобий қадам бўлди. Йўловчилар ҳам ушбу янгиликни илиқ кутиб олмоқда.
Тонг нафаси ҳали тоза бўлган паллада дарахтлар орасидан эсаётган майин шамол инсон қалбига таскин беради. Қушларнинг сайраши, мусаффо осмон остидаги осойишталик – ҳаётнинг энг буюк неъматларидан.
Ўзбекистон шароитида экологик вазият барқарорлигини таъминлашда яшил ресурслар ўзига хос салмоқли ўринга эга. Шу боис давлат ўрмон фондига кирмайдиган дарахт ва буталардан фойдаланиш масаласига ҳуқуқий жиҳатдан кенг эътибор берилмоқда.
