Экология, атроф-муҳитни муҳофаза қилиш ва иқлим ўзгариши вазирлиги Қурилиш ва уй-жой коммунал хўжалиги вазирлиги билан ҳамкорликда янги лойиҳа эълон қилди.

Ўзбекистон Республикаси Президентининг Фармонига асосан 2024 йил ­1 январдан бошлаб Нукус шаҳрида ичимлик сувдан фойдаланиш бўйича кўп қаватли уйлар ўртасида «Тежамкор уй» ва «Тежамкор хонадон» рейтинг тизими ишга туширилади. Мақсад ичимлик сувдан оқилона фойдаланиш ва тежашдир.

Рейтинг натижаларига кўра, энг кам сув ишлатган 20 та хонадон ва 20 та кўп қаватли уй рағбатлантирилади. Хусусан, ғолибларнинг хонадонларига қуёш панеллари ёки уй атрофини ёритиш мосламалари бепул ўрнатиб берилиши кўзда тутилган.

Унутманг! Ҳар қандай табиий ресурснинг ҳам охири бор. Шундай экан, сувдан тежамкорлик билан фойдаланинг.