Айни қиш чилласида ёғингарчиликлар кўп бўлишини кўпчилик кутмаган бўлса керак. Ахир, кейинги йилларда қиш фаслининг баҳор ҳавосидек илиқ кечишига кўникиб бўлган эдик.
Бу йил эса Ўзбекистон қиши қор-қировли келди. Тоғли ҳудудларда қорнинг ҳар қачонгидан кўпроқ ёғиши кузатилди. Бундай пайтда иссиққина ўринни тарк этиб, табиат муҳофазаси билан шуғулланишнинг ўзи бўлмайди. Бунинг учун кишининг виждони уйғоқ бўлиши керак.
Сурхондарё вилояти Экология, атроф-муҳитни муҳофаза қилиш ва иқлим ўзгариши бошқармаси ходимларидан иборат тезкор гуруҳининг навбатдаги тадбирлари айни қор бўралаб ёғавериб, бир метрга етган паллага тўғри келди.
Қалин қор туфайли машиналари ботиб қолган тадбир иштирокчилари юқори тоғ чўққиларига пой-пиёда тирмашиб, қушлар ва ҳайвонларга озуқа улашдилар.
Қорли изғирин ва туманли соатларда чўққига қараб қоп орқалаб кетаётган йигитларни кўриб, уларнинг ташаббус ва матонатига балли дегингиз келади.
«Сурхон» давлат қўриқхонаси ходими Искандар Эшалиев фикрича, айни кунларда тоғли ҳудудда ҳарорат -5 даража совуқни ташкил қилаётган экан. Бундай пайтда ҳайвон ва қушларнинг қор остидан емиш излаб топиши жуда қийин кечади. Шу боис уларга ғамхўрлик қилинсагина ноёб турларнинг кўпайишига замин яратилади.
Қўриқхона мутахассислари фотоқопқонларга морхўр, тоғ эчкиси, силовсин, ёввойи тўнғиз, кийик каби ёввойи ҳайвонларнинг тушиш ҳолатлари кўпаяётганини таъкидлашмоқда.
Бу каби намунали ишлар Бухоро вилоятида ҳам амалга оширилаётгани таҳсинга муносиб. Бироқ табиат ва экологияга масъул айрим муассаса ва ташкилотлар фақат тадбирбозлик билан машғул бўлаётган бир паллада уларга хитобан: сурхондарёлик ва бухоролик ҳамкасбларингиздан ибрат олсангиз бўларди, дегимиз келади.
Пўлат ЭРМАТОВ
Қишлоқ хўжалиги ходимлари куни: Фаровонлигимиз бунёдкорлари юксак эътирофга муносиб
🕔16:40, 11.12.2025
✔37
Иқтисодиётни юксалтириш, аҳоли турмушини яхшилаш, озиқ-овқат хавфсизлигига эришиш фидокорона ва машаққатли касб эгалари – деҳқон, фермер, боғбон, чорвадор, сувчи, агроном ва механизаторлар меҳнати орқали барпо этилади. Уларнинг матонатли меҳнати туфайли эл дастурхони ҳамиша тўкис бўлади.
Батафсил
Тиббий чиқиндилар талабга мувофиқ утилизация қилиняптими?
🕔16:36, 11.12.2025
✔35
«Иссиқ жоннинг иситмаси бор» деганларидек бирор енгилроқ хасталик етса дарров дорихонага югурамиз ва сотувчининг маслаҳати билан ҳам укол-дорилар олиб келиб қўшни ҳамширани чақирамиз.
Батафсил
Қашқалдоқлар кўпаймоқда
🕔16:28, 11.12.2025
✔37
Қорақалпоғистон Республикасида жойлашган «Жанубий Устюрт» миллий табиат боғида ҳар йили куз ва баҳор мавсумида қушлар, ҳайвонлар ва ўсимликларнинг соноғи амалга оширилади.
Батафсил