Пайшанба
11-Сентябр 2025
Олий Мажлис Қонунчилик палатасидаги Ўзбекистон Экологик партияси фракциясининг навбатдаги йиғилишида пиротехника буюмларининг қонунга хилоф муомаласининг олдини олиш тизимини такомиллаштиришга қаратилган қонун лойиҳаси биринчи ўқишда кўриб чиқилди.
Сўнгги йилларда мамлакатимизда пиротехника буюмларининг қонунга хилоф муомаласининг олдини олиш, ушбу йўналишдаги чора-тадбирлар самарадорлигини ошириш бўйича тизимли ишлар амалга оширилмоқда. Мазкур қонун лойиҳаси пиротехника буюмларининг қонунга хилоф муомаласи билан боғлиқ ҳуқуқбузарликлар учун муносиб жавобгарлик чораларини белгилаш ҳамда ушбу ҳуқуқбузарликларнинг олдини олиш мақсадида ишлаб чиқилган.
Хусусан, қонун лойиҳаси билан Ўзбекистон Республикасининг Маъмурий жавобгарлик тўғрисидаги кодексига пиротехника буюмларининг қонунга хилоф муомаласи билан боғлиқ ҳуқуқбузарликлар, жумладан, уларни ноқонуний ишлаб чиқариш, тайёрлаш, сақлаш, ташиш, жўнатиш, олиб чиқиш, ўтказиш ёки олиб кириш учун амалда белгиланган жавобгарлик санкциялари кучайтирилмоқда.
Бундан ташқари, лойиҳада ички ишлар органларининг профилактика инспекторларига пиротехника буюмларининг қонунга хилоф муомаласига оид ҳуқуқбузарликларни содир этганлик учун маъмурий баённомаларни расмийлаштириш ваколати берилиши кўзда тутилмоқда.
Йиғилишда фракция аъзолари томонидан қонун лойиҳасининг қабул қилиниши пиротехника буюмларининг қонунга хилоф муомаласини аниқлаш ҳамда уларнинг олдини олишга, фуқароларнинг ҳаёти, соғлиғи ва мол-мулки хавфсизлигини таъминлашга, жамоат тартибини сақлашга, ёнғинлар ва бошқа фавқулодда вазиятлар юзага келиши мумкин бўлган ҳолатларнинг олдини олишга хизмат қилиши, шунингдек, аҳоли саломатлигини муҳофаза қилиш масаласи партия дастурий мақсади ва электорат манфатларига тўла мос экани қайд этилди.
Муҳокамалар якунида бир қатор таклиф ва тавсиялар берилди ҳамда қонун лойиҳаси қўллаб-қувватланди.
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Батафсил
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Батафсил
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
Батафсил
«Аҳолининг экологик маданиятини юксалтириш ойлиги» ҳамда мамлакатимиз мустақиллигининг 34 йиллиги муносабати билан ЎЭП Бухоро вилоят кенгаши томонидан Бухоро шаҳридаги «Ёшлар маркази»да вилоятдаги олий таълим муассасалари жамоалари ўртасида «Эко-Заковат» интеллектуал ўйини ташкил этилди.
Каттақўрғон шаҳар ҳокими Гавҳар Алимова, вилоят чиқиндиларни бошқариш ва циркуляр иқтисодиётни ривожлантириш бошқармаси бошлиғи Бекзод Пайшанов ҳамда ЎЭП Каттақўрғон шаҳар партия ташкилоти вакиллари иштирок этган тадбирда 10 нафар хотин-қизларга мотороллерлар топширилди.
Тошкент шаҳар Миробод тумани «Баротхўжа» маҳалла фуқаролари томонидан ҳудудда фаолият юритаётган ишлаб чиқариш корхонаси атмосферага зарарли ташламалар чиқараётгани юзасидан мурожаат келиб тушди.
ЎЭП Наманган вилоят кенгаши томонидан «Ўзбекистон – 2030» стратегиясини амалга ошириш доирасида, «Атроф-муҳитни асраш ва «яшил» иқтисодиёт йили» Давлат дастури ижросини таъминлаш мақсадида жамоатчилик эшитуви ташкил этилди.
Жорий йил энг улуғ, энг азиз айёмимиз – мамлакатимиз мустақиллигининг ўттиз тўрт йиллиги «Ватан учун, миллат учун, халқ учун!» деган эзгу ғоя асосида кенг нишонланди.
