Яқинда II гуруҳ ногирон фарзанди билан яшовчи Йўлдош ака Ёқубов партиямиздан сайланган депутат Руслан Қурбоновга турар жойини таъмирлаш юзасидан мурожаат қилган эди.

Руслан ака бу муаммонинг тезда ижобий ҳал қилинишига бош-қош бўлди. Шунингдек, фуқаро Гавҳар Авезованинг иш билан таъминлашга оид мурожаати ҳам депутат ташаббуси билан ижобий ечим топди...

Ҳа, Ўзбекистон Экологик партиясидан Халқ депутатлари Тупроққалъа туман Кенгашига сайланган Руслан Қурбонов деярли ҳар бир иш кунини одамларнинг мурожаатларини кўриб чиқишдан бошлайди. Сайловчилар эътиборига тақдим этган дастурининг ҳар бир банди ижроси учун Кенгаш сессияларида астойдил курашади. Маҳаллий давлат ҳокимияти органлари вакилларининг депутатлар олдидаги ҳисоботларини эшитиш жараёнида сайловчиларининг диққат-марказида турган муаммолар ечими хусусида албатта сўрайди.

Руслан Қурбонов 2020 йилда 15-Саидлар сайлов округидан сайланган. У депутатлик фаолиятини эзгулик­лар билан бойитишга интилади. Ҳатто, энг майда муаммолари билан мурожаат қилувчиларни ҳам эътибордан четда қолдирмайди. Ҳеч кимни ноумид қилмасликка ҳаракат қилади.

Бизнинг бу депутатимиз фидойилиги, ташаббускорлиги ва мурувватпешалигини маҳалладошлари қувониб гапиришади. Энг муҳими, ўз билими ва тажрибасини ошириш мақсадида тинмай ўқиб-ўрганиши, изланишини фахр билан тилга олишади. Дарҳақиқат, тиришқоқ депутатнинг айнан ана шу фазилатлари унинг ҳаётда ўз ўрнини топишига сабаб бўлган.

Инсон меҳр-муҳаббатга таяниб иш юритар экан, у албатта, бу эзгуликдан яхшилик уруғларини етиштиради. Қаҳрамонимизнинг таржимаи ҳолини ана шундай эзгуликлар безаб турганидан ибрат олсак, арзийди.

Дилноза ХОЛМЕТОВА,

ЎЭП Хоразм вилоят кенгаши

матбуот хизмати ходими