ЎЭП Олмазор туман кенгаши раиси Шаҳноза Умарходжаева ҳамда халқ депутатлари Олмазор туман Кенгаши депутати Давронбек Раҳматуллаев томонидан туманда экологик рейд ўтказилди.

Рейд давомида Олмазор тумани ҳудудидан ўтган Кичик халқа йўлида қуриган шохлар тўплами ва чиқиндилар тўпланиб қолгани аниқланди. Ҳолат юзасидан мутасадди ташкилот вакиллари жалб этилиб, махсус техника ёрдамида чиқинди ва шох-шаббалар ҳудуддан олиб кетилди. Шунингдек, аҳоли билан суҳбат ўтказилиб, табиатни асраш, чиқиндиларни белгиланган жойга ташлаш юзасидан тушунтириш ишлари олиб борилди.