Боёвут туман партия ташкилоти ҳамда Экология, атроф-муҳитни муҳофаза қилиш ва иқлим ўзгариши вилоят бошқармасининг туман бўлими ходимлари томонидан навбатдаги рейд тадбири ўтказилди.

«Совотобод» маҳалласи ҳудудида фуқаролар Ғ.Х. ва У.А. белгиланмаган жойга ҳар хил турдаги маиший чиқиндиларни ташлаётгани ҳолати аниқланди ҳамда уларга нисбатан МжТКнинг 91/1 моддаси 1-қисми билан маъмурий баённома расмийлаштириб, БҲМнинг 2 баробари миқдорида жарима белгиланди.

Худди шундай яна бир ҳолат Мирзаобод туманида аниқланди. «Мирзачўл» маҳалласидаги 16-Оилавий шифохона ҳудудига хўжалик ишлари бўйича мудир Р.Ш. ҳар хил турдаги чиқиндиларни ташлаган. Ҳолат юзасидан мудирга нисбатан МжТКнинг 91/1 моддаси 1-қисми билан маъмурий баённома расмийлаштирилиб, тегишли миқдорда жарима қўлланилган.