Қарши туманидаги «Боғобод» маҳалласида истиқомат қилувчи фуқаро Фахриддин Эгамбердиев Ўзбекистон Экологик партияси туман кенгашига ўзи яшайдиган хонадонини дезинфекция қилишда ёрдам сўраб мурожаат қилди.

Мурожаатни эътиборсиз қолдирмаган партия фаоллари фуқаро хонадонига бориб, оила аъзолари билан суҳбатлашишди.

 Суҳбат давомида Ф.Эгамбердиевнинг фарзандлари Гепатит А касаллиги билан касаллангани ва ушбу касаллик бошқаларга юқмаслигининг олдини олиш учун дезинекция зарурлиги айтилди. Фуқаро хонадонида дезинфекция ишлари олиб борилди. 

 Шундан сўнг партия фаоллари «Боғобод» маҳалла масъуллари билан учрашиб, аҳоли орасида соғлом турмуш тарзига риоя қилиш, атроф-муҳитни тоза сақлаши ва чиқиндиларни дуч келган жойга ташламасликни кўпроқ тарғиб қилишни маслаҳат беришди.