Олий Мажлис Қонунчилик палатаси депутати, ЎЭП фракцияси аъзоси Жавлон Абдуллаев Фарғона вилоятида ўрганиш ишларини олиб борди, сайловчилар ҳузурида бўлиб, уларнинг мурожаатларини тинглади.

Ёзёвон туманида бўлиб, бунёд этилаётган «Янги Ўзбекистон» массивида олиб борилаётган қурилиш ишлари, бинолар хавфсизлиги, яшил энергия билан таъминлаш жараёни ва ҳудуддаги экологик вазият билан танишди.

«Яшил макон» умуммиллий лойиҳаси доирасида яратилаётган «яшил белбоғ», сув таъминотини яхшилаш ва канализация тизимининг ҳолати кўриб чиқилди. Шунингдек, кам таъминланган аҳолини уй-жой билан таъминлаш масалалари ҳам эътибордан четда қолмади. Ўрганиш жараёнида аниқланган муаммолар ва юзага келган масалалар бўйича мутасаддиларга тегишли тавсия ва маслаҳатлар берилди.