Ўзбекистон Экологик партиясидан сайланган Олий Мажлис Қонунчилик палатаси депутати Борий Алихонов, маҳаллий Кенгаш депутатлари ва бир қатор фаоллар билан биргаликда пойтахтимизнинг Олмазор туманида бўлди.

Учрашув дастлаб «Олимпия» маҳалласи раиси ва еттилиги иштирокида мавжуд муаммо ҳамда аҳолини қийнаб келаётган масалалар юзасидан муҳокамалардан бошланди. Шундан сўнг, «Олмазор Гарден» иссиқхонасида етиштирилаётган маҳсулотлар билан танишилди. Ушбу жойда бутун туман бўйлаб экиладиган дарахт ва гул кўчатлари етиштирилиб, аҳолига ҳамда корхона ва ташкилотларга бепул тарқатилиши маълум қилинди.

Учрашув давомида депутат томонидан фуқаролар учун янада қулайликлар яратиш, ҳудуднинг инфраструктурасини такомиллаштириш, коммунал соҳада қилиниши зарур бўлган ўзгаришлар юзасидан зарур тавсиялар берилди.