Олий Мажлис Қонунчилик палатасининг Экология ва атроф-муҳитни муҳофаза қилиш масалалари қўмитаси раиси, ЎЭП фракцияси аъзоси Хайрулло Гаппоров ҳамда Олий Мажлис Қонунчилик палатаси депутати Гулчеҳра Тажибаева Янги Наманган туманида сайловчилар билан учрашди.

Депутатлар ижтимоий инфратузилма, коммунал хизматлар, бандлик, тиббиёт ва таълим соҳаларидаги аҳолини қийнаётган муаммоларни атрофлича ўрганишди.

Хусусан, ичимлик сув таъминоти, йўлларнинг ҳолати ва ишсизлик каби масалалар кенг муҳокама қилинди. Мулоқот давомида келиб тушган 50 дан ортиқ мурожаатнинг бир қисми жойида ҳал этилди, қолганлари эса тегишли ташкилотларга йўналтирилди.