ЎЭП Нуробод туман партия ташкилоти томонидан фуқаро мурожаати ўрганилиб, муаммони бартараф этиш бўйича мутасаддилар огоҳлантирилди.

Мурожаатга кўра, «Тошкент — Термиз» автомобиль йўлининг туман ҳудудидан ўтувчи қисми елим пакетлар ва идишлар, бўшаган шиша ва бошқа турли чиқиндилар билан тўлган. Айтилишича, илгари туман ободонлаштириш бўлимидан ушбу ҳудуд учун жамоатчилик асосида ходим ажратилган бўлиб, белгиланган муддатларда ҳудуддаги чиқиндилар чиқарилиши таъминланган. Ҳозирги вақтда эса жамоатчилик асосидаги штат бирлиги мавжуд бўлмагани сабабли, автомобиль йўли бўйлаб чиқиндилар сочилиб кетган.

Маҳаллага жамоатчилик штати берилган пайтлар шу каби ҳолатлар кузатилмаган, дейди фуқаро.

Мазкур муаммони бартараф этиш юзасидан туман ободонлаштириш бўлими ва бошқа тегишли ташкилотлар масъулларига сўров юборилди.