Ўзбекистон Экологик партияси Жиззах вилоят кенгаши ҳамда «Жиззах Сув таъминот» АЖ билан ҳамкорликда тузилган ишчи гуруҳ томонидан ҳудудларда оқова сувларни тозалаш иншоотларини модернизация қилиш ва янгиларини қуриш бўйича давлат дастури ижроси ўрганилди.

Ишчи гуруҳ  вакиллари Шароф Рашидов тумани ҳудудида жойлашган оқова сувларини тозалаш иншооти фаолияти билан танишиб, бу ердаги модернизация ишлари билан танишишди.

Ушбу иншоотга давлатимиз раҳбарининг қарорига асосан, 17,1 млн АҚШ доллар маблағ ажратилган бўлиб, замонавий технологиялар асосида янгидан қурилиш ишлари олиб борилди. Мазкур сув иншооти 2024 йилнинг декабрь ойида тўлиқ фойдаланишга топширилган.

Умумий ер майдони 21,2 минг метр квадратни ташкил этадиган ушбу иншоот бир кунда 30 минг метр куб сувни қабул қилади.