Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси ҳамда вилоят ИИБ ҳамкорлигида навбатдаги рейд тадбири ўтказилди.

Ангрен шаҳар «Жигаристон» МФЙ ҳудудидан оқиб ўтган Оҳангарон дарёсида фуқаро А.С. томонидан тақиқланган ов қуроли — лескали тўр ёрдамида балиқ овланаётганлиги аниқланди.

Ҳуқуқбузарга нисбатан МЖтКнинг 90-моддаси тегишли банди билан маъмурий баённома расмийлаштирилди ва 7,5 млн сўм миқдорида жарима қўлланилди.

Маълумот учун, аввалроқ Сирдарёда айнан ноқонуний балиқ ови билан боғлиқ ҳолатда табиатга 60 млн сўмликдан ортиқ зарар етказилган эди.