Фурқат туманида экологик барқарорликни таъминлаш, қишлоқ хўжалиги ҳосилдорлигини ошириш, аҳоли соғлиғини ҳимоя қилиш ва ҳаво сифатини яхшилаш учун дарахтлар жуда муҳим.

Бу ҳудуд иқлим шароитига кўра ёзда иссиқ, қишда қуруқ ва шамолли бўлгани боис табиат ва атроф-муҳитни муҳофаза қилишда яшил олам алоҳида аҳамиятга эга.

Экологик партиядан халқ депутатлари Фурқат туман Кенгаши депутати М.Юлдашева ташаббуси билан «Тўрғай» МФЙ ҳудудида «Яшил макон» умуммиллий лойиҳаси доирасида 100 тупдан зиёд дарахт кўчатлари экилди.

Лойиҳа доирасида амалга оширилган ишлар экологик ҳолатни яхшилаш, яшил ҳудудларни кўпайтириш ва табиий муҳитни муҳофаза қилишга қаратилган. Яшил майдонларни кенгайтириш орқали ҳаво сифати яхшиланади, шунингдек, ҳарорат баланси барқарор сақланади.

Депутат ушбу лойиҳа орқали маҳаллий аҳоли учун соғлом экологик муҳит яратишга ўз ҳиссаси қўшишда давом этмоқда ва барчани бу хайрли ишга қўшилишга ундамоқда.